樓下冰室 (已結業)

今日路過荃灣諗住去搵一間好食嘅茶記啦， 點知發現嗰間茶記多人到排曬隊， 我諗冇返半個鐘一個鐘都應該入唔到去喇。 行下附近見到呢間， 裝修都幾唔錯， 而且人都算多於是入去食。我同朋友睇到個menu大部分嘅餐都要40幾50蚊， 茶記嚟講實在唔算平， 不過荃灣都係咁㗎啦除非樓上舖嘅啫。朋友叫咗嗰個嘅 煎蛋肉醬飯首先到， 呢啲嘢對茶記嚟講實在冇難度啦。 你都就賣相一般般， 好多汁唔算多肉， 不過味道都過得去。隔咗一陣我呢個咖哩牛腩飯都嚟啦， 咖哩味就一般， 如果鍾意食甜啲嘅應該會鍾意。 個汁都幾傑有誠意。 重點係牛腩都非常之多， 我呢個食肉獸竟然食唔曬。 不過隔離啲菜就頹啲啦， 焗到淋咗。杯凍奶茶都ok， 唔知係咪因為多人得濟所以水準一般呢。

咁平時就食開番茄通，咁今次就同老友試下其他野。我地就叫左個咖哩牛腩飯同埋冰室炒意粉，咁個賣相就雖然唔係好好睇，但味道就唔錯先講下個冰室炒意粉，佢就好重呢個番茄味，啲雞肉同番茄味完全混和，有啲似薄餅上面咁既雞肉feel,而且佢既雞味又保持到。而咖哩牛腩飯，佢既牛腩都算易入口，唔會話太韌，咖哩既味道入口果下feel到小小辣，但入到口又唔會話好辣，姐係好似我呢啲唔食得辣既人都食到，咖哩味都算香口。總括而言，除左番茄通，都仲有其他唔錯既選擇，有機會經過都會再食。

路過路德圍見呢間茶餐廳個裝修幾特別, 就試試看吧。裏面裝修有點冰室味道的寫著紅豆冰,龍眼冰的膠版掛在牆,樓底甚高。我朋友叫了咖喱牛腩飯配咸檸七, 份量充夠,咖喱中的棷味甚香, 牛腩好林, 不算辣,值得一試。仲叫了一個滑蛋蕃茄面配瑞士脾, 老實講我對他的蕃茄湯底十分有興趣,鮮甜不是加重糖的死甜, 十分自然, 滑蛋份量不多, 混在面裏一齊食好滑蛋味好香, 一流。輪到個瑞士脾, 雞腿好滑又大隻, 瑞士汁微微咸了一點, 但配合個面一齊食剛剛好,強烈推介。