閨•家 (西九龍中心) (已結業)

今次係第四次食呢間位於深水埗西九龍中心嘅良心小店事關杜生嘅推介，相信大家都對呢間鋪頭唔陌生今次試左咖喱牛腩飯，咖哩唔辣唔油 感覺似家庭式小菜（呢間鋪亦係主打媽媽的味道）對於鍾意食香辣/香料/香甜咖喱嘅朋友未必適合，$52嘅牛腩份量有四五舊，份量都多。主打嘅湯好好飲 每次都係我最期待🤤🤤每日有唔同款式價錢：10/10抵食：8.5/10味道：6/10份量：8.5/10良心：9/10以上為小弟良心食評🤡

今日同媽咪去深水步買野, 點知突然落雨, 身上又冇遮, 唯有衝去西九龍中心行下避雨, 順便搵間餐廳食埋lunch。經過呢間餐廳, 媽咪話之前係呢間買過外賣我食, 就係我之前讚過d咖哩好食果間。今日一場黎到, 正好入去堂食!不過今日間餐廳運輸出左小意外, 食物材料遲左運送, 導致今日唔少缺貨問題出現。原本11點開門做生意, 結果要delay至12:30先可落單, 但都要大讚果度嘅員工, 處理整個場面都很有禮, 多番道歉, 場內亦沒一個人鼓噪。點餐後, 食物都黎得好快,【涼拌海蜇手撕雞】HK$38手撕雞不是預期嘅一梳梳雞肉, 肉質札實, 有唔少筋連帶, 很有咬口; 海蜇好爽, 不過份量很少。加左芝麻醬撈埋食。很喜歡呢度嘅咖哩, 椰香味重。可自選大中小辣。餐廳會加入辣油控制辣度。【咖哩牛腩飯】HK$50牛腩好林, 牛味濃郁, 不過今次揀左中辣, 辣得把咖喱椰香味覆蓋, 下次都係揀返小辣。【咖哩豬扒飯】HK$50豬扒煎過, 鎖住肉汁, 呢款揀左小辣, 食到甜甜地嘅椰香。套餐所跟嘅餐湯每日不同款, 款款都係不加味精嘅老火湯, 味道清甜。套餐跟熱飲加$5, 凍飲加$7不過所沖調嘅野飲都偏淡