小酒窩餐廳

营业中

休息中

上網見到都好多人有提過呢間尼泊爾餐廳好耐，所以就搵咗一晚去試吓佢嘅人尼泊爾餐。一入門口就有一浸濃濃嘅咖喱味，坐低之後個店員亦都好快擺低咗個前菜，個前菜係幾塊脆餅加個醬，唔係好記得個名，但係真係好好食，係一陣間就已經食晒之後叫咗一個咖喱雞配薄餅，仲有個吞拿魚沙律，再加多一份尼泊爾餃子。本身以為每一份都唔會好大，所以就嗌咗三個主菜，點知真係好大份，淨係食完個沙律已經好飽個吞拿魚真係好好食！然後上咗咖喱雞，因為都係好食，就算飽都忍唔住都要繼續食落去！個咖喱雞好入味，個咖喱醬都好正好香，配埋個薄餅點嚟食，真係好正之後上埋嗰個尼泊爾餃子，個餃子就正正常常，但係配埋嗰個辣醬真係不得了，辣辣地好好惹味下次真係要叫少一份，要好好享受每一個主菜！

印度餐廳食到好味Pizza?😋🍕佛羅倫斯簿餅好味指數：👍🏻👍🏻👍🏻👍🏻👍🏻熱辣辣，有紫洋蔥嘅香味，配上濃厚芝士，可以拉絲，仲有香葉增添香氣。有趣嘅係係pizza上面加左水煮蛋，增加左蛋白嘅口感之餘，增加左蛋黃嘅味道，好有層次感。pizza嘅邊邊位都烤到脆卜卜，而且邊位都好幼，唔會搞到食條邊都飽左。🍕烤餅好味指數：👍🏻👍🏻👍🏻👍🏻👍🏻一聞落就超香，牛油同蒜蓉嘅味道係口腔湧出，邊位都烤到脆口。🥘咖哩雞好味指數：👍🏻👍🏻👍🏻👍🏻中辣（小編唔太食得辣都可以接受到），食到濃濃蕃茄味，配烤餅一流。雞肉好嫩口入味，冇骨方便食用。🍪脆餅好脆，偏咸，簿荷醬香濃。🍹飲品好味指數：👍🏻👍🏻👍🏻👍🏻咖啡配有暖牛奶，令整體滑口。咖啡香味濃度適中。熱檸茶嘅檸檬新鮮。茶味清香，唔會過濃。另外仲有檸水任飲。🪑環境適合1-6人入座。雖然係佐敦嘅小街道入面，門口都係小餐廳設計，但係內部裝潢雅致，吸引唔少小情侶泥撐枱腳🥰。以下係餐牌俾大家參考一下：

係我最熟既佐敦食街行行下，無意發現呢間好似西餐但係實情係有印巴風情既小餐廳。印巴藉侍應好熱情咁係門口推介佢地既午餐，我地見價錢唔係太貴就一試無妨。我地叫左一份咖哩雞+薄餅同佢既招牌Four Seasons pizza，佢既咖哩果然有印度風味，係正宗咖哩。不過pizza都不失準，可以話比香港人最愛既pizza店更好味! 因為店內人客唔多，所以侍應都好主動問我地對食物既意見，仲叫我地多d去呀。雖然佢既地理位置唔係太好，但係至今仍然係度，證明好既野食係開係邊都冇問題!