UCC COFFEE SHOP

营业中

休息中

lunch time嘆左杯咖啡軟雪糕🍦即刻開心晒～諗返起幾年前成日去澳門～指定動作必去觀光塔既coffee shop食咖啡軟雪糕當時香港都仲未有咖啡軟雪糕所以成日到想為咗杯雪糕而去澳門而家唔使去咁遠都有得食啦UCC咖啡軟雪糕$30軟雪糕夠冰凍，唔會一下子就溶晒質感軟滑，啖啖都充滿住香濃咖啡味，好似飲緊杯Latte咁雪糕筒好脆，食到尾唔會比雪糕浸淋晒本來未食飯好肚餓，食晒成杯都飽咗一半所以份量都好大杯架不過堂食就唔可淨叫一杯雪糕入座因為有最低消費，但雪糕唔計如果唔係我一定坐底慢慢嘆下次會再encore

UCC出品的咖啡素來有一定保證, 今次經過看到有咖啡味軟雪糕 即刻吸引到一試!拿上手一看真的幾大杯, 一人食真的食不完.  說回正題杯雪糕先, 咖啡味道好濃郁, 口感軟滑之餘更感冰涼, 個筒夠脆.   冬天食大大杯尤其冰涼的雪糕食完真係好凍凍!!

重新裝修好既康怡AEON，入面其中一個大特色係，UCC推出外賣軟雪糕，但唔係出面食既牛奶味或者綠茶味，而係切合番佢風格既咖啡味。新裝修好既UCC，好多人行商場掃貨，未必入去坐低慢慢飲茶食野，但一定會畀UCC既香濃咖啡味吸引，然後就畀一個好大既招牌吸引去畀錢買杯軟雪糕食。其實佢地已經有專人負責，只要你一行去，就問你係咪要雪糕，然後畀錢囉飛，等雪糕，成個過程，真係1分鐘就完成。大大筒雪糕，絕對唔會細筒過出面都係sell日式軟雪糕既店，但可以肯定，出面一定唔及佢既原因為佢出咖啡味！入口就係UCC既招牌炭燒咖啡！係！食緊佢既炭燒咖啡呀！一陣陣木香煮出既咖啡，估唔到可以完全混和係軟雪糕入面，牛奶味無破壞到咖啡既香濃，反而好似平時叫左一杯咖啡後，你將牛奶倒入齋啡之中，慢慢透出既感覺一樣，UCC主力賣咖啡，出呢種雪糕，應該係無對手。而個筒都好脆好鬆化，而雪糕既分量好多，兩個人食就剛剛好。