新景園咖喱小廚

营业中

休息中

今日出勤路經灣仔, 梗係買咖喱豬返去食啦,  去到已經都好多人開始排隊, 有堂食既, 有即場外賣既, 目測都有廿幾人等緊, 好彩我一早打電話落定ORDER, 去到同姐姐講聲打左電話黎, 幾點幾多份咖哩豬就得架喇, 又真係無出錯過喎返到公司打開個盒,就覺得好似比之前D飯同汁都少左.分隔好處只係D汁無令到D豬排淋左.豬排炸得剛剛好, 就算外賣, 食落依然咁脆口, 而且夠淋唔"鞋"口. 而個咖哩汁真係幾多都唔夠喉, 少少辣, 仲開胃左. 如果好似堂食咁, 有嚿薯仔加埋就無得彈喇.哩副係以前個盒, 各有好處啦, 不過問返朋友, 原來之前叫開, 都係有嗌多汁, 下次都要記得落ORDER既時候講定先.

春園街上的新景園都算是灣仔的老食店之一，難得區內處處重建這店（還有對面的金鳳）都沒受影響。這夜經過，便去食個晚餐回味一下他的咖喱炸豬排。一段時間無食過，豬排仍是炸得香脆鬆軟，吸滿咖喱汁的薯仔粉嫩香辣，超好食，可惜只有一件，食得不夠喉呢。 香辣惹味咖喱汁，送飯一流。果然是鎮店招牌呢。此外，我們也點了蝦仁炒蛋。炒得滑溜（但油份亦不少），蝦仁只是爽，但沒有什麼鮮甜，不吃也沒有損失。涼瓜炒魚崧，涼瓜炒得翠綠甘香，魚崧就不過不失，不過這道小菜調味偏甜，食落感到有點奇怪。我們再加碟油菜，及用'套餐價'加了例湯和白飯（印象中約加$10），簡簡單單又一餐，不過全晚最好食的只有咖喱豬排飯，其他食物水準較一般。

我這名牛河怪知道這裏有聞名的乾炒牛河，早已排期來一試，適逢其會，今天與好友到來。點了必吃的咖喱豬排飯和乾炒牛河，豬排很大塊，上了麵包糠炸，約有兩件，每件切成四條，咖喱汁是分開上的，有一件薯仔浸著，炸豬排顏色金黃，非常吸引，內裏肉質潔白，看得出是用鮮肉，咬一口，表皮脆、香，而肉味調味都很好，鹹淡適中，又不會炸得太乾，很鬆化，再淋些咖喱汁伴吃，真是其味無窮，咖喱汁是用多種印度、南洋香料混合而成，入口味道複雜，辣味可人，與炸豬排是絕配，一提，豬排近邊位處有些少肥膏，入口即溶，尤其精采，若不需考慮每碟收費五十大元這因素，這店必是我的心水食肆。乾炒牛河送來時是熱騰騰的，很夠鍋氣，但我嫌河粉顏色淺了點，不夠烏卒卒，吃炒牛河，烏冬等我較喜見深啡色，而這裏達不到我的要求，牛肉和銀芽、河粉份量則足夠，牛肉醃得入味，河粉略嫌淡了點，好友亦有同感，對我來說，本滿懷高興而來，倒有點失落，雖不是不合格，但中了希望愈大，失望愈大的魔咒，祇是一碟很普通的牛河，還收四十八元，有時有些茶餐廳的下午茶的牛河也偶有佳作。至於有食評說其吃罷牛河，碟底沒有油，我卻不敢苟同，碟底的油與其他食肆無異，但這點我卻不在乎，吃得牛河就得