加東叻沙蝦麵 (已搬遷) 新店位置

可能因為我地太早去食, 去到鋪頭都只係6點幾,又可能因為星期六無人響呢頭返工,所以成間鋪頭都無客後黎先有多兩客入黎先講碗喇沙, 我係專程為佢而黎既, 但我覺得好普通, 料足, 但唔係特別好食到碗蝦面乾撈, 朋友點既, 我試左兩啖, 都係OK啦咖央多士我覺得真係麻麻地, 燶左啲, 啲醬又唔夠平均, 兼甜左啲同埋凍

未試過咖央多士及喇沙, 可以同男友試一試點左正宗咖央多士, 喇沙及巴東牛肉飯咖央多士好脆好清甜, 喇沙預期會好辣, 但係D湯底非常鮮甜, 正巴東牛肉飯D肉好入味及好腍侍應態度很好, 但由於座位有限, 要等位

近排天氣咁悶熱, 最適合吃些刺激東西來提神, 雖然身處銅鑼灣, 但因為太想吃, 結果餓住個肚搭電車去,想到粉麵的份量應該會幾大, 所以叫左一碗, 另外再加小食。 咖央多士$12: 一上枱好似爛爛地? 我都係第一次吃咖央, 連toastbox開左咁耐都未去,好香班蘭同埋椰味,個醬凍凍地, 多士烘到香脆, 幾好味但要即食, 耐左會變稔。 正宗叻沙$51: 紅卜卜的湯底睇見都醒哂,真係幾大碗,原來檬粉都幾索湯,入口好爽滑,叻沙分左三種價錢, 在於配唔同料。我這個有豆卜、魚片、蝦肉、熟蛋、鮮蛤,估計湯底可能加了炒香蝦米碎落去, 特別香濃惹味。 雜錦串燒$36:牛、豬、雞各兩串,上枱時侍應已經提左要趁熱食, 但我地都攤左一陣先吃。燒雞好入味而且肉質很稔唔乾,之後等左陣先豬和牛就差少少, 有d乾硬呢!黃色的是菠蘿蓉, 甜甜地幾得意。 值得一提的是店員好有禮貌, 感覺很親切,記得之前同類型食店馬拉媽媽又是這樣。

同同事去食午飯等位等左大半個鐘等到真係腳仔軟好生意到不得了呢~入到去 同事們都叫左叻沙我就叫左個米暹然後就叫左個 咖央多士 同埋龍鳯檸樂由於我地係一班活在貧窮綫邊緣既孩子所以一杯龍鳯檸樂三個人分... 同事既叻沙黎先其中一個話唔鐘意佢個叻沙係配檬粉我就覺得佢個湯底唔錯喎而我既米暹黎左 我就覺得好鬼咸d麵又太幼身得濟但係反而我個位同事又鐘意食喎咁我就提議不如交換啦結果我得出既結論係唔係人人都啱口味~不過我覺得咖央多士都真係幾好味喎正~ 一大塊牛油係中間配埋咖央好ok 喎而邊龍鳯檸樂就不過不失啦唔算太好啦...