倫敦大酒樓

营业中

休息中

13/3/2021 星期六，今日到旺角行一轉，經過 倫敦大酒樓，記得喺電視介紹過佢哋嘅點心係自己點心師傅即整即蒸，而且仲係傳統推點心車，支持本土經濟，今日到旺角，一定幫襯啦。酒樓地方乾淨，每張枱相隔保持距離，樓面分開有專責執枱，專責招待客人侍應，專責掃地....等等。點心有：咸水角，义燒腸粉，鳯爪排骨，煎炸一碟（有 蝦餅，魚肉餅，芋頭糕），糯米雞。另外，燒腩仔飯一碗。總括而言，點心夠新鮮，熱辣辣，亦好好味，真係有嘆茶感覺。燒腩仔，皮脆卜卜，腩仔肉嫩滑，有一些半肥瘦，咬落甘香美味😋

今日中午我們去咗旺角彌敦道嘅「倫敦大酒樓」飲中午茶！我們叫咗蜜汁叉燒腸、蜜汁叉燒包、魚翅灌湯餃、馬拉糕、炸春卷、咸水角、干炒牛河、肉絲炒麵同燉椰皇！蜜汁叉燒腸嘅腸粉唔算太嫩滑，叉燒嘅味道亦比較淡！蜜汁叉燒包嘅味道唔係好香甜，包質亦唔係好鬆軟！魚翅灌湯餃嘅湯底味道比較淡！咸水角嘅餡料唔係好多，令我比較失望！干炒牛河炒得鑊氣十足，味道好惹味！肉絲炒麵嘅炸麵炸得相當香脆！最後：小點居然要收$22蚊，真係唔抵食，有啲比揾笨嘅感覺！