JuniJib Dessert (已結業)

  係尖沙咀食完晚餐，諗住搵間甜品食下，就黎左呢間JuniJib Dessert。呢度主打韓式雪花冰，門口仲有好多款馬卡龍可以揀。呢度既馬卡龍特別在於佢係比起一般馬卡龍厚至少一倍！勁正～見到佢櫃入面既馬卡龍咁靚，都忍唔住叫左兩款試下～  1️⃣哈密瓜牛奶雪冰 Melon Bingsu（$89） 蜜瓜粒都好甜🍈雪冰綿滑入口即溶～牛奶味道都夠，面頭仲有一球雲尼拿雪糕。整體都係滿足既😋  2⃣️米脆拿鐵 Jolly Pong Latte Tung-Caron（$35）好鍾意呢款啊！胖卡龍聽得多，但係食就真係第一次食。個樣好靚～個邊鋪滿左地脆脆既穀物～食落係帶少少咖啡味，唔會太甜，內餡creamy😍  3⃣️抹茶馬卡龍 Matcha Clam-Caron（$48）呢個個樣仲吸引🤩冇諗過馬卡龍都可以整到好似貝殼咁既樣，好精緻🥰上下兩片馬卡龍外殼幾脆，抹茶味道主要黎自底層既抹茶cream～抹茶味道唔算好濃。中間仲有一塊brownie增加口感🤤