Greyhound Café (MOKO新世紀廣場) (已結業)

聖誕節想搵好食的餐廳又唔想被人瘋狂加價，我就同屋企人又黎食Greyhound Cafe啦！可能因為Greybound主打泰式fusion菜，所以唔係好多人食，唔洗Book台都有大台，算好彩！軟殻蟹墨汁意大利麵高質嘅蒜香墨汁意粉，炒得非常乾身，蒜味唔會太搶，但是味道非常惹味軟殼蟹炸到金黃鬆脆，外脆內多汁，而且唔會好油的感覺，非常滿意羅勒的味道好特別丶好香。羅勒味道與扁意粉好夾，整體感覺都香好舒服。帶子切半去煎，口感唔夠滿足，建議原隻帶子以增加口感。此乃唯一不足之處。單骨雞翼以醬油丶胡椒丶鹽等配料去醃，雞肉炸得多脆內多汁，味道簡單又惹味。一個素食的金邊粉，材料只有雜菌，但味道好好味！金邊粉炒得好乾身，夠哂味！配碟的辣粉超辣，加左1/3足夠夠哂我覺得辣。重有花生碎，3道好香好好味！滿足！脆炸三文魚邊，三文魚油脂味好香口，如果唔怕魚腥味的朋友應該會超鍾意食！又香口又正，如果可以配啤酒就正到爆！炸豬手配糯米飯，糯米飯蒸得鬆軟，QQ的口感唔會好硬身。豬手味道偏咸同重，而豬皮炸得好脆身，肉質都唔會太乾身，整體味道滿意。醬汁有酸酸的梅醬，可以消去豬手的油膩感！聖誕節硬係覺得食甜品會開心啲雖然味道不錯，

排隊等左30分鐘終於入得,裝修靚梳化位坐得好舒服單骨雞翼-炸得夠脆單骨方便食,味道椒鹽咸咸香香普普通通香蒜牛柳粒-最後先上菜,牛柳粒冇牛味有筋肉質梅梅地,成碟冇味得橄欖油,非常失望16粒要成$120但可以用難食易容沙嗲雞肉串-串燒冇特別同急凍貨一樣,食唔到香料味,沙嗲好稀同淡,青瓜同洋蔥串有處理過酸酸甜甜好清爽,不過賣相真係好靚大蝦金邊粉-粉粉到碎晒冇彈性要用匙羹食,大蝦爽但冇鮮味反而蝦乾好香蝦味,份量奇小但整體味道酸甜唔油好味意大利海鮮餡餅-餡料勁足海鮮夠新鮮,餅睇落好脆但食落有小小薄餅感覺,蕃茄醬味道濃郁,好食椰子肉千層蛋糕-椰子肉好豐富啖啖果肉,千層夠薄唔會好膩,忌廉比較多左,味道偏甜但整體唔錯2大1小價錢食物只食賣相希望變成失望,而且坐低到食完都見餐廳hold住3張枱唔入客,要客人排隊等做勢本人不喜歡此公司做法,另員工好似好忙不停行來行去,但不會主動收碟,加水另埋單叫左3次2次應完都冇反應,成間舖得做結帳果位小姐有反應同不停做,只會食一次冇下次

滿心期待 之前每次經過都有好多人排隊，諗住早兩日開始book 定枱慶祝，點知男友話打左好多次電話都無人聽，最後就walk in la . 等左二十分鐘左右就入得去坐了，滿心期待呢餐晚飯，第一次同男友食泰國野，一叫就叫左五樣野，有芒果糯米飯，三文魚，蟹肉炒飯。。等食左第三道菜就已經開始失望，無想像特別。自己媽咪可能比佢煮得還要好吃。。食哂正餐就食甜品，有芒果糯米飯，味道一般。最後出場💋💋💋椰子蛋糕💋真系令我好surprise 。雖然外表一般，但食落口真系好味到不得了。我相信下次我再去也只會想食甜品😁😁😁

朋友知我鍾意食泰國菜，咁啱撞正我生日佢就提議食呢間！佢話喺IFC嗰間食過唔錯所以叫我試下。今日6:30p.m左右去到唔駛等位就直接入咗去，一路行個侍應生一路話入席後只可以食個半鐘，其實。。。一餐飯唔淨止係朋友同我慶祝生日，亦都係大家嘅聚會，用一個鐘食飯淨返半個鐘傾計？從來未試過食飯食得咁急！不過算啦，朋友介紹我都唔想掃興。坐低冇耐我地已經決定好食乜，呢度嘅招牌菜係單骨雞翼，好香，好入味，入口唔乾又唔硬。之後又嗌咗海鮮春卷，炸到脆卜卜，香噴噴，可惜一夾入面D餡係咁跌出嚟！粟米餅，其實我個人對粟米冇乜好感，亦好抗拒食粟米，不過朋友夾咗一塊比我，我只好硬住頭皮食。咦！粟米粒甜甜易入口，餅亦比較淡口，唔錯唔錯！呢個菜改變咗我對粟米嘅睇法！雞肉串燒，口感幼嫩，味道適中，唔駛點醬汁已經夠正！軟殻蟹墨汁麵，個人認為普普通通！啖啖蟹肉炒飯雖然炒到好香，不過略嫌蟹肉比較鹹！。。。對於酒鬼嘅我嚟講，一餐飯點都要有杯酒飲下，今晚試咗佢地嘅Vodka Martini唔錯，朋友點咗杯奶茶，濃濃嘅奶香，有別於一般嘅奶茶，鍾意飲奶茶嘅朋友值得一試！一餐完美嘅晚餐又點少得甜品！登登登登！我地一行三人嗌咗四件蛋糕，朱古

一向喜歡吃泰國菜，機緣巧合之下便一試這家新式泰菜。個人認為西式味道很濃，因為餐牌上出現了意粉這東西，另外我們所叫的單骨雞翼及薯條也是通常在西餐才看到的，而這兩個菜式就不過不失，味道一般。最好吃的是泰式炒金邊粉，還有一個驚喜是那個三文魚配上泰式辣汁後很好吃，連不太吃三文魚的我也要讚賞一下。

今日起新世紀廣場行街, 行完後見到GREYHOUND, 就入去試下同之前起曼谷食既有無分別, 食完後覺得幾好, 味道同起泰國食既一樣.見到個WINE LIST, 紅白酒好多都係二百幾蚊, 都算抵飲. 於是叫支意大利白酒飮下嘆下, 隻酒入口充滿果香, 飲落感覺清新.三文魚片配泰式辣醬‌, 三文魚好肥美, 個泰式醬汁酸而帶辣，醮上醬汁配上蒜頭, 口感清新, 不過食得多就覺得膩左少少製辣肉醬手包粉卷醬‌, 依個之前起泰國食過, 個味道完全一樣. 將粉皮片、泰式青醬、肉醬和生菜包住嚟食, 辣辣地非常滋味好食招牌脆炸單骨雞翼, 依間餐廳既招牌菜式, 香料腌得很好，炸完內裹啲肉重係好滑好淋, 用嚟送酒一流. 最後叫多個鸭腿湯河用來飽肚, 鸭腿大大隻勁多肉有咬口, 配合滑滑既河粉真係又夾又好食.

其 實 一 早 已 經 想 試 呢 間 剛 好 有 朋 友 生 日 , 就 可 以 一 嘗 了 環 境 好 舒 服 , 而 且 D 位 坐 起 黎 好 寬 敞又 無 限 時 , 傾 計 真 系 一 流 一 打 開 本 Menu , 真 系 花 多 眼 亂 太 多 款 式 了 真 系 想 樣 樣 試 云 哂 先 黎 前 菜 --------- 泰 式 柚 子 沙 律分 量 真 系 少 左 D 柚 子 好 新 鮮 , 再 加 上 花 生 + 魚 乾 仔 炒 得 好 香 估 吾 到 花 生 + 魚 乾 仔 都 可 以 做 到 一 道 沙 律 , 高 招 ~~~~~凱 撒 沙 律 不 過 不 失 , 麻 醬 好 惹 味 !再 黎 小 食 --------- 單 骨 雞 翼雞 翼 細 細 件 好 岩 女 生 食 , 因 為 可 以 吾 洗 顧 儀 態 炸 得 好 香 口 , 食 完 一 隻 又 一 隻 ..炸 蟹 肉 春 卷 *蟹 肉 春 卷 聽 落 好 似 幾 特 別 春 卷 炸 得 好 脆 , 而 且 皮 薄 薄 的 ..包 住 生 菜 食 , 味 道 簡 直 一 流 必 試 !意 大

第一次接觸 Greyhound Cafe 是在泰國旅遊之時,當時與家人以自由行方式到泰國旅遊,因聞說這裡的檸檬茶的冰塊是以檸檬茶製成,而不是像其它餐廳以水製冰,此一法是為了防止冰溶解後,把檸檬茶之味道沖淡,所以才以檸檬荼製成冰塊。自從在泰國旅行之時,嘗過此檸檬茶之後,就已被這檸檬茶的特式深深吸引著。自 Greyhounh Cafe 於海運大廈開張之後,我又再一次有機會再去品嘗如此特式的檸檬茶,但當天整頓晚飯的感覺都跟泰國那邊的 Greyhound Cafe 不一樣,食物的味道及感覺都大不如前,所以我只幫襯了一次,就再沒有回此餐廳用膳。此次,再來 Greyhound Cafe, 全因老婆大人話,在家的附近又再開多了一間Greyhound Cafe, 而她是十分喜歡這餐廳的,雖然自己有點不願意,但既然老婆大人喜歡,當然就要陪她去一趟啦。我們點了雞翼,牛河,漢堡仔,牛粒,軟殼蟹,Lemon Tea Greyhound Style 及 Pink Cooler。將雞中翼切開再炸,其實就等於炸雞翼,不過呢個做法就聰明及方便得多,唔怕炸太短時間,骨位未熟就把雞肉炸乾,另外又方便客人進食,唔洗客人死咬