無邊 (大壩街) (已結業)

店內環境舒適，侍應生都是外國人，裝修同氛圍都充滿異國風情~噴泉牛肉堡份量十足，包上面佈滿蕃薯條，旁邊仲有墨西哥脆片做伴碟，好邪惡但好滿足😋牛肉十分juicy, 一D都唔乾。士多啤梨朱古力奶個味道，好似細個食既明治士多啤梨朱古力，好好飲！

隔左好耐，終於都有得晚市堂食，之前一直都想試下呢間，果然不負所望，真係好好好食，叫左個白汁煙三文魚意粉、虎蝦雞粒蕃茄汁意大利飯、德國豬手、噴泉牛肉堡、雞翼拼盤，四杯朱古力奶。當晚最想食嘅係德國豬手，又林又juicy，外皮甜甜地又夠脆身，超級好食😍意粉同意大利飯都好食，夠creamy又唔會滯，噴泉牛肉堡的炸甜薯條一流👍🏻不過可能因為我哋食咗其他嘢先，牛肉堡凍咗就相對比較失色，不得不提嘅係朱古力奶，叫咗一杯特濃朱古力奶、一杯士多啤梨朱古力奶、一杯Oreo朱古力奶同一杯熱嘅棉花糖朱古力奶。朱古力奶夠濃又夠滑，仲要無論凍定熱，都打卡一流🤤

尋晚見疫情好返d，收工約左友人係荃灣搵野食，相聚一下，見餐廳門口都有幾台客等緊，門面裝修幾好，一於試下新野，前後等左半個鐘左右啦，圖一，噴泉牛肉堡賣相幾好，影相打卡一流，上面d噴泉係甜蕃薯，整體有3星🌟🌟🌟，店舖有賣local beer，緊係支持下🍺，點知⋯上第二道菜，請睇圖二(埋單走個時影的🥺基本上只食左牛肉堡）（左上)隻德國🇩🇪豬手，小妹真係第一次食一隻好似未熟透，塊皮仲係粉紅色既德國豬手，好得人驚，仲有一層油伴碟，右邊既炸雞粒，d粉真係厚到雞絲都搵唔到條，南瓜湯好似放左好耐，凍的⋯呢個價錢，呢個食物質素，真係唔掂，大家都係小心點菜，免中伏