籠太子點心專門店 (已結業)

今日同好友相約晚市食點心，好友search到公司附近有間 籠太子 有得食點心，價錢又唔貴。餐廳裝修簡約之餘，又能顯出中國風，眼見都不少遊客光臨。餐牌選擇都幾多元化，而且價錢比起一段茶樓點心價錢都差不多，但籠太子好在唔洗搭枱食，免去尷尬😄是日用餐：原隻鮑魚燒賣($34)新潮食法，鮑魚燒賣，試問多少間餐廳做到料靚，價錢又合理，所以本人極力推介！ 多汁小籠包 ($24)熱辣辣小籠包，每個都有錫紙托住，確保唔會因小籠包皮夾穿而倒汁，而且味道唔錯。紅油抄手($28)共有八粒大大粒餃子，餡料豐富，皮簿餡靚最貼切，辣油唔太重，但又夠入味！四寶滑雞扎($29)四寶-火腿、豬皮、雞肉及腐皮，size大大件又好味！鳳爪排骨飯($30)&咸魚肉餅飯($30)兩個人太肚餓，一人叫左個蒸飯，分量剛剛好，米飯唔會爛，粒粒有咬口，飯同菜比較係一比一！

本來同阿肥喺銅鑼灣係想行去金雀鋸扒嘅,誰不知原來佢哋已經結咗業喇喎...無可奈何行多兩步見到呢間<籠太子點心專門店>,咁有緣份就入去醫肚啦~餐館嘅裝修都係比較新派嘅新潮式精緻點心店,新淨企理坐得又舒服。拎起鉛筆畫紙點菜,發現茶位都只係每人$3蚊而絕大部分點心嘅標價都唔超過三十蚊,喺銅鑼灣區真係算低消費喎~兩個人畫吓畫吓總共點咗差唔多十款點心,都唔係好過份姐係咪(?!)點心未嚟之前當然就係嘆吓茶先啦,呢度嘅茶原來係麥茶嚟,感覺清香消滯。鮮蝦腐皮卷($25蚊)：腐皮非常之薄,入口後更覺驚喜,鮮蝦夠大隻咬落爽口彈牙,其他餡料配菜清脆口感,美味可口,本人心中給它很高的分數原隻鮮蝦腸($30蚊)：唔知點解阿肥咁鍾意食蝦腸(?!)🤷🏻‍♀️哈哈,阿肥話呢碟蝦腸十分好食!話個米紙腸粉皮新鮮人手製作屬於一流水準,晶瑩剔透之餘裡面蝦仁超級彈牙,佢仲食得多過我呢~呢份香煎蘿蔔糕($22蚊)都係阿肥揀嘅傳統臘味味道算係唔錯,粒粒蘿蔔肉道出香氣,年輕一輩嘅我唯獨是略嫌佢煎得唔脆,熱氣感下降😂黑椒金錢肚($29蚊)：去飲茶我有九成機會都會叫呢款菜式。呢度嘅黑椒味道夠重夠辣,牛肚份量亦多,最令人驚喜