醋娘子 (已結業)

今日同男朋友黎上環這間香港人小店食下午茶，星期天也有下午茶選擇。下午茶有飯有麵選擇，更可加錢轉不同粉麵底，更可加錢配小籠包，免費送熱飲或豆漿。男朋友喜歡惹味香辣美食，所以選了麻辣牛𦟌拼海蜇小食。不會太辣，麻辣不濃，入味牛𦟌都大塊又有咬口，下面是爽口海蜇！四川擔擔麵好香好辣，有湯唔會乾身，有肉燥、冬菜絲，更有小唐菜，上海麵香軟吸汁，不錯！小籠包4隻好熱辣辣，皮薄但湯汁不是太多，肉餡都香口，可惜醋中無薑絲！飲品點了凍豆漿，免費下午茶配上！

川滬菜我一直都少食，因為煮得好既地方真係唔多，但今日行開上環依頭，無意中搵到依間醋娘子，真係有驚喜我同友人兩個人，叫左以下既嘢食：佢既牛𦟌多肉少筋，適合鐘意有咬口既人，每塊都幾大塊下，佢既醬汁亦好入味，係不錯既。值得一讚既係，餐廳大部份辣嘅食物都有分大辣、中辣、小辣同埋BB辣，依個擔擔麵我地叫左小辣，味道剛好唔會蓋過本身有嘅花生醬味至於上海小籠包，個皮唔算簿，你見我直接夾起個包身都得，內裡湯汁都算唔少，而且湯味濃，都算唔錯。我地都叫左碟菜試下，依味娃娃菜都幾新鮮，奶油味都濃，岩晒想食菜得黎又怕味淡淡既人食整體而言，餐廳食物質素唔錯，服務友善，上菜十分迅速，價錢合理，黎開依頭想食川滬菜既可以試下