正宗上海生煎皇 (已結業)

喺銅鑼灣登龍街多數都係拉麵、西餐廳，但今日我同女朋友發現咗一間細細地嘅店舖叫正宗上海生煎皇。上網check返先知原來喺香港已經有三四間分店，真係井底之蛙哈哈！既然店舖名稱叫正宗上海生煎皇，當然有叫上海生煎包啦！我哋仲叫咗小籠包，上海粗炒同埋土匪雞翼菜飯。店舖好細心，喺枱角貼左一張紙教你點食生煎包而不失霸氣，唔會燙傷個咀。上枱嘅時候覺得食落應該唔會太熱，生煎包嗰皮煎得焦香，但一咬，啲肉汁就會湧出嚟，感覺上肉餡唔係肥豬肉，而且中間嘅汁係上湯，完全唔覺得有肥膩感，水準一流小籠包皮簿，湯汁分量足夠，通通融入晒肉餡裏面，好juicy！小籠包需要細細粒但摺痕好明顯，不得不讚嘆師傅嘅功力！至於土匪雞翼菜飯，平時食土匪雞翼都係喺譚仔多，今次食落幾有驚喜，味道唔同譚仔嗰啲但係更加惹味，$39嘅價錢真係難以抗拒。仲有上海粗炒，麵條有嚼頭，唔會炒到好油膩，份量又多，抵食！女朋友好鍾意食上海菜，下次再encore！