正宗上海生煎皇 (已結業)

星期六晚，去了豆柴同柴犬玩後，就去左附近的登龍街醫肚。尤記得早前和同事來食過不俗的泰國菜，本想encore ，但好耐無食生煎飽，最後都係轉軚。生煎包水準依舊出色，多汁。涼伴茄子比想像中好食，汁唔太重味，醒胃。我地仲試左新豬肉餃，所謂的新豬肉，是以大豆製，係健康的選擇。味道都有豬肉的八成相似。推介生煎包。

今晚去銅鑼灣搵嘢食，咁啱行過見到呢間上海生煎包，見到有唔同的小食就決定食呢間！等位時間都唔係好耐，但係要人齊先可以入座。坐低左自己叫嘢食，我哋今晚叫咗三個小食，有雞絲粉皮、紅油抄手同埋外婆紅燒肉。嘢食好快就送到，三款小食的份量都很適中，就算沒有叫主食，兩個人都食得好飽。雞絲粉皮 $35雞絲份量適中不會很小，而且粉皮口感很有彈牙。配上芝麻醬，整體感覺很好👍🏻👍🏻紅油抄手六隻 $38感覺皮有啲厚，但是勝在餡料十足。而且辣椒油很入味，有麻辣的感覺！外婆紅燒肉 $42只有四塊，肉是半肥瘦，入口即溶！感覺食左勁多骨膠原☺️☺️

好耐之前食過一次，果陣好似未有套餐出，都係散叫既，但上次就對間店好感不大，事隔一段日子同同事再比多次機會佢，食多次，今次有套餐揀。上海粗炒暫時係我食過最好食既上海粗炒，一d都唔油，個味調得岩岩好，唔會太甜又夠味，配菜同肉絲份量都岩岩好，麵條軟硬都適中。川麻雞中翼(套餐+$14)好普通既炸雞翼，唔覺得有辣味。蜜椒雞排菜飯($42)個汁有少少辣，雞排厚身唔鞋但又未至於嫩滑，菜飯冇乜特別。堅信號灌湯小籠包(套餐+$26)熱辣辣小籠包，食果陣真係要小心d,咬開會流d 湯汁出黎，d 肉唔鞋既，個皮適中啦，整體都做得幾好會再食

和友人很久沒小聚, 襯中午飯時間短聚一下也收貨.但短聚也不能馬虎, 就去一直想試很久的上海生煎飽!一個餐加個小吃, 感覺幾豐富.   芝麻醬五彩冷麵麵質煙韌, 口感不錯配料OK, 芝麻醬沒有特別加工, 普通份量適中. 合格.   堅信號生煎飽很期待, 結果很失望飽的質感有點乾, 有點硬. 生煎飽的底很黏牙, 不是脆的嗎...肉汁是有, 但可能加了醋? 有點酸. 我和朋友都不喜歡, 但看旁邊有客人讚好吃, 雖然坐她對面的朋友也不太認同..  所以見仁見智吧...   蜜椒雞扒菜飯菜飯, 是只有我習慣菜飯的菜都有加鹽嗎?我覺得這個菜飯, 一點味都沒有, 太淡... 失望雞扒是煎得幾香, 少少脆皮有蜜糖, 但原來蜜椒就係蜜糖雞扒加茶記黑椒汁.. 小籠包 (忘記拍照)皮不算太薄但第一隻一夾就穿, 還好之後三隻都沒有穿.. 餡料味道還好, 有肉湯, 不錯 價錢來說還好, 但質數相比後, 不算很吸引, 真想不到吃什麼的時候, 這裡也是可考慮一個選擇. 

呢個係厚切排骨菜飯，肉質口感非常似半肥瘦叉燒。排骨做到無骨全肉，肉質鬆軟，面層仲甜甜地，非常正！菜飯還可以啦，肥仔波都係比較鍾意銅鑼灣Fashion walk附近嗰間嘅菜飯。另外點左生煎包一咬必肉汁是常識吧，不過略嫌個包皮底硬左少少同癡口。完！☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿☝🏿肥仔波指數：2.5/5

呢間野好難食，完全唔明點解咁多好評。叫左4樣野：厚切炸排骨擔擔麵、皮蛋豆腐、小籠包、紅油抄手。擔擔麵：個湯好淡，完全無味，麵質亦唔好食，衰過自己煮出前一丁，唔話你知係擔擔麵你根本唔會食得出🤢排骨：似係叉燒黎？幾淋，係全餐最正常既野食皮蛋豆腐：超級呃錢，幾粒皮蛋碎加薄切豆腐片小籠包：同平時超級市場買小籠包自己煮無咩分別紅油抄手：睇唔出係紅油，無咩要求既話佢都算食得落肚總結：一定唔會再食多一次，仲要價錢唔平。

叫得自己做生煎工，點知d生煎飽可以咁難食，又硬又唔新鮮，個雞絲粉皮我少佢吖，真係就咁醬加粉皮， 跟住個冷麵， 嗰醬又係同粉皮一樣味， 根本就係超市買一支日式芝麻醬就咁撈落去， 連少少自己嘅調味都冇， 冇誠意到一個點，全部食物小學雞水準！垃圾餐廳！最攪笑間舖又唔係坐滿， 隔離枱對男女坐低咗， 跟住個男侍應走嚟同佢哋講要打對坐， 不停話呢張係5人枱所以咁坐， 當時其實有幾張枱吉咗出嚟， 根本冇需要係咁叫人坐埋一邊， 攪到嗰對男女都覺得好冇引， 呢啲咁嘅服務， 好心佢老闆檢討下啦 其實佢哋有好多員工 ，但唔覺得有心做嘅感覺， 馬虎求其當啲客係水魚！

星期六晚9點幾係銅鑼灣搵食... 去左登龍街、見到呢間上海野、門口又貼住咩「最受歡迎食店」. 甘就入去試下。叫左一個雞絲粉皮、 生煎包、上海肴肉、炸排骨菜飯。首先雞絲粉皮唔夠凍！ 😓冇咩雞絲、冇青瓜絲，仲有佢個汁.... 竟然係超市買的「日式胡麻醬」...⚠️重點係正宗的雞絲粉皮唔應該❌係呢個味...麻醬應該要係中式果隻、唔係日式胡麻醬。😓而且多數餐廳都會自己調較下味道、唔係零技巧地吱一堆日式胡麻醬。你問我難唔難食... 我會答個sauce唔難 （因為買超市胡麻醬咋嘛) 但我唔expect 餐廳食到呢d 質素....👎🏾外型一大一小。個包夠晒熱... 但佢煎到個皮有d 硬.... 失敗👎🏾肴肉、不過不失主角出埸！ 🎉佢就係 「上海厚切炸排骨🐷菜飯」但外表點睇都係叉燒啦、食落完全確定佢係叉燒！！😂😂😂😂我以為俾錯我、我問下個侍應、佢指住個牌話 「與別不同」。 非常無懈可擊的解釋。即係如果我賣橙🍊、俾個柑🍅你、然後話「與別不同的橙🍊」、甘果個柑🍅就係橙🍊？🤣🤣。突然間覺得件事係「指鹿為馬」但我平心而論、佢個菜飯唔係難食、普普通通啦。但炸排骨變叉燒我就唔係幾滿意！👎🏾 其實以呢間餐廳的環境格

今日同老公係時代睇完戲，响附近搵野食, 見到呢間未食過又唔駛等位, 所以試下。招牌灌湯小籠包，熱辣辣，味道普普通通。醉鷄中翼，鷄翼幾大隻，但唔入味，其中一隻未完全熟透，非常失望！鷄絲拌麵（涼拌），麵條略硬，不過不失，個人覺得係成餐飯中最好味既一道菜。

之前嚟過兩次食lunch，次次都係要lunch set A+B +豆漿B小食 一係就叫生煎包，一係就叫小籠包咁始終係佢哋招牌野😁😁今次因為唔算太肚餓D包太heavy驚食唔晒所以就試咗佢哋嘅：川味無骨鳳爪諗住少少哋過下口癮同埋補下骨膠原估唔到嚟到嘅時候咁大碟！由於我食極都仲有⋯所以我數過⋯⋯我碟鳳爪⋯⋯有八隻！面頭有少少青瓜同埋生嘅蒜頭粒令到雞腳食起上嚟， 有少少爽爽地，清清地，然後又有啲辣辣地嘅感覺新鮮蒜頭帶出既辣真係好正啲汁都係有少少辣仲好香整體來講啲鳳爪真係好好味不過對一個人來講就太多最好兩個人嚟，叫兩個set lunch，然後小食B叫唔同嘅嘢share另外，佢哋嘅熱豆漿都幾好飲飲咗幾啖之後，放一陣間，面頭會有薄薄一層腐皮㗎至於個飯我叫咗糖醋排骨菜飯好普通如果我唔係有鳳爪可以攞嚟送下飯，基本上啲餸唔係好夠Btw, 我印象記得佢哋一年前對門已經係怪怪地，要用力打橫拉開建議老闆不如拎少少錢出嚟整整佢啦⋯

之前非洲豬瘟搞到無新鮮豬肉食🥺但SeeFood閨作為吃貨，好多想食嘅菜式都要用到豬肉入饌。除咗用冰鮮豬代替，仲畀SeeFood閨發現到隻「新豬肉」！😃事緣前日想食小籠包，入到餐廳見到有隻「新翠味小籠包」，就決定試試有幾新趣。送到上嚟先知小籠包係綠色嘅，夠晒「翠」綠。緊張時刻到，用筷子夾起小籠包，蘸一蘸醋。平時最怕食小籠包整穿咗個皮，啲湯汁漏晒出嚟，不過呢個新翠味小籠包個皮厚薄度同軟硬度適中，唔整穿個皮完全無難度。一啖放入口，係清新嘅感覺呀！😇原來呢隻新翠味小籠包個皮係用苦瓜汁同菠菜汁搓成，但食落完全無苦瓜嘅苦澀味同菠菜嘅菜青味，反而帶出咗個皮嘅麵香。內餡有木耳絲、翠肉瓜同「新豬肉」。而「新豬肉」其實係100%純植物製成嘅肉嚟，食素嘅朋友仔有多個選擇喇。🎉同場仲嗌咗生煎包、擔擔麵同韮菜餃同冷熱豆漿各一，盛惠127蚊。生煎包個底煎到香脆，入面都多湯汁。但擔擔麵除咗辣就無咩特別，而韮菜餃個皮就冧咗啲，一夾就同內餡分離。😓

本局長自知讀書不多，唯有將勤補拙，以堂堂局長之尊，尚要求學進修。是晚於銅鑼灣放學，會合副局長後途經鵝頸橋，見此店上海二字，想起滬港情誼，立時入內一窺究竟。局長倆點下生煎包、小籠包、炸排骨麵、雞燴麵，以及凍豆漿一杯。雞麵清淡（無貶義），雞尚算鮮嫩，正常水準。炸排骨麵亦差不多，本局長以為排骨會香脆一點。小籠包不過不失。主角生煎包，皮脆多汁，香味四溢，是全晚好味之冠。總括而言，此店食物質素正常，員工態度非常有禮，可以一吃。

一個5 60蚊嘅麵，可以煮得衰過自己屋企煮既公仔麵。煮到過哂龍，林哂 口感似俾BB食咁林圖入面的係雞啊唔係配料，唔係食哂先影，係成碗我搵到最大舊既雞。去隔離車仔麵都有成隻雞翼啊食都冇咁嬲

🥢 上海生煎包 (4個) HK$36獨愛上海生煎包嘅底脆身，中間就有生煎包嘅肉，同埋有好多汁。 熱辣辣食嘅時候，爆汁真係好正，但呢間唔特別多汁。.🥢 上海小籠包 (4個) HK$38個皮都算幾薄，幾多湯汁， 不過不失。.🐣 雞絲粉皮 HK$35分量勁細，而且的幾條雞絲，而且呢個價錢食生煎包或者小籠包好似正啲。 唯一好嘅係麻醬幾多，食起黎唔會好乾。.🐥 醉雞中翼 (3隻) HK$28都有啲米酒味，但係只限於個皮，中間就冇咩味。.🍜 素食套餐 HK$68胡麻醬三式冷麵 涼拌雜菌 凍豆漿所謂三色就係青瓜絲、粟米，同埋好少好少嘅雞絲。基本上無乜特別。純粹淥熟雜菌，切碎冇乜特別。

一直聽聞呢間生煎包好正，但就一直未有機會黎試，今日叫左4隻黎試下，上菜個陣侍應已經溫馨提示左話叫我小心爆汁，點知仲未食，一夾起就已經爆緊汁😂食到最黎真係爆到成碗肉汁😂值得一試👍🏻