Lonely Paisley

营业中

休息中

呢排天氣開始悶熱，☀️諗起之前去過呢間深水埗土耳其cafe，可以係清幽環境坐下傾計，同埋想再試佢地既特色小食🤤可惜客人都比較多， 今次都坐唔到土耳其床，下次tea time再碰運氣。🌯🥑 土耳其蔬菜牛油果卷 $78蔬菜有紅蘿蔔，青瓜，沙律菜，配上沙律醬清甜爽口，仲有大大塊牛油果， 味道濃郁，又唔會有黑點，作為頭盤開胃岩岩好。🥯🫘 自家製三款鷹嘴豆泥配芝麻包 $88三款鷹嘴豆泥非常特別，有一款係粉紅色，初頭令人聯想係草莓味，三款分別係原味、黑松露、紅菜頭， 原味比較突出既係鷹嘴豆味， 而粉紅色嘅紅菜頭味道就最清淡易入口，黑松露嘅配搭都非常香口，好似食緊意粉咁。但個芝麻包同土耳其早餐係一樣嘅，所以都係唔好一齊叫好d。🥖🍳🧀 土耳其全日早餐 $148呢個全日早餐值得一再回味， 佢哋嘅醬汁同配料每次都有唔同，今次係木梨水果蓉、無花果醬、蜜糖忌廉同蕃茄辣椒醬，除咗辣椒醬有點苦味之外，其他都非常清甜，同麵包既香甜好夾，今次提供左兩款芝士，由細細粒既食起， 比較軟身淡味， 一塊塊嘅就有咬口煙韌濃味。另外仲有佢地特色既土耳其茶配番紅花糖棒。Lonely Paisley 🍝🥗🌯 🇹🇷 💛💛💛深水埗福華街1

嚟到深水埗呢間咁有異國風情嘅cafe，一入到去已經對周圍嘅擺設目不轉晴，有好靚嘅牆畫同埋民族風嘅布藝品，就好似去咗東南國某個地方嘅地道餐館，勾起唔少旅行嘅畫面同回憶。睇返創辦人嘅訪問，原來都係想帶呢種旅行嘅感覺比食客，比大家體驗一番呢種探索嘅滋味，真係好有心。原本以為呢種靚靚cafe都係主要為咗打卡、影吓靚相，點知我比佢嘅西餐吸引咗，叫咗一款主食：自家製阿根廷香辣青醬虎蝦海鮮扁意粉（Argentinian Chimichurri Seafood Linguine $148），特意叫店員少辣，估到係咁啱自己口味。首先除咗有大大隻紅色虎蝦，肉質好新鮮同彈牙，仲有青口同魷魚伴碟，令成碟野整體變得更豐富，而令我最驚喜嘅係個自家製青醬Chimichurri，調味適中，帶點微酸、微甜嘅口味，好襯扁意粉。我自己返到屋企都複製咗個食譜，好有新鮮感！🍝🍤🍤 朋友就叫咗個土耳其全日早餐，見佢都食晒成碟野，應該味道都唔差，咁多款醬都試勻晒，值得推薦！另外我叫咗杯Tonic Coffee試下，用大冰球上，慢慢飲，等佢融，係好味嘅一餐！。☺

深水埗文青cafe多就大家都知,今次去呢間異國cafe睇下有咩特別先😆cafe環境好有特色, 睇得出店主好有心機去裝飾, 由擺設到餐具都別樹一格, 好似去咗家品店display room咁👍🏻英式all day breakfast 就食得多, 土耳其all day breakfast 真係第一次試😂set包咗3款芝士同四款醬,店員細心介紹咗食芝士嘅次序, 估唔到點醬食又出奇地夾😋我最鍾意無花果同蜜糖醬, 兩種醬都食晒！芝麻包食落口感似bagel, 包面鋪滿芝麻又有一種食煎堆嘅錯覺, 點番茄醬食好好味~

好耐無試過去一間令人覺得好舒適既cafe . 今日上天地堂， 中間時間無野做， 係呢到食左個午餐， 再返黎飲左杯咖啡 。 同朋友傾計好舒服， 自己返黎叫杯咖啡一路飲一路睇書都感覺到好寫意， 好似係外國去旅行咁食物好出色， 尤其廚師推介。 職員好專業 介紹食物， 有禮貌又好好人 🥰個土耳其茶有支糖粒搞搞棍， 好得意， 打咭好開心 土耳其全日早餐好好味， 有三款特色芝士， 芝麻包 ， 仲有4 款醬。 碟子都好有土耳其特色， 是老闆的細心 。 整間餐廳裝潢得好有土耳其風格， 好一致， 好有心的餐廳 🥰