Our Restaurant

营业中

休息中

我平均一個月會黎食一次老闆人係土耳其人，好nice，有次做完野早左到，閘半開老闆都會俾我入去坐住先最近食既一次係上星期六，依舊好食轉轉羊肉及雞肉配沙律土耳其紅茶我通常會食our restaurant既mixed donor，有羊肉同雞肉，羊肉較濃味可減肥既朋友可以配沙律，另外可配飯或薯條，不過其實呢兩樣都會伴少量沙律，想走沙律記得提早講另外會推介大家試下佢餐加錢就有既湯，幾特別 同埋rice pudding，好好食

上次去食台灣嘢果陣經過見到呢間土耳其菜，所以搵咗日去試~間舖好細,但係人吾多所以唔太迫.我地叫左炒羊肉飯同牛肉卡巴.另外加咗個湯同土耳其紅茶.先講個炒飯，份量都好大，啲羊肉冇so味，正!而個卡巴亦都好大份~啲牛肉好正~菜亦都好新鮮=]土耳其湯-味道有啲似酸酸地嘅番茄湯..土耳其紅茶-個人覺得同普通荼餐廳紅茶冇乜分別..總結：價錢有啲貴，但味道唔差。

上openrice睇下旺角有乜食，見到呢間野，又唔貴，就同女朋友黎試下！七八點黎到，店內唔係太多人，即刻有位。檯上放了土耳其明信片做裝飾，而牆上則掛了一些圖片，特別之處是掛了幾個水煙壺。兩個人叫左兩個餐：雜錦轉轉燒肉餐配沙律和轉轉燒羊肉卷餐。套餐是連茶或咖啡的，若果轉凍飲或汽水要+$5！雜錦燒肉有分羊肉+雞肉及牛肉+魚肉，而今天是羊肉+雞肉。本來想再叫湯或小食，不過唔想咁貴，所以就無叫。等左幾分鐘就上菜雜錦轉轉燒肉（羊肉+雞肉）配沙律（連茶或咖啡$58）：其實我平日唔太鍾意食沙律，但因openrice上的人都讚沙律好食，便決定試一試。沙律有生菜、青瓜、蕃茄及紫洋蔥。我將羊肉、沙律醬及沙律全部混和再食，真係好好味！同女朋友爭食添轉轉燒羊肉卷（連茶或咖啡$45）：真係有點似旋風雞卷，不過羊肉不錯，洋蔥亦好味。但我覺得太普通，不值這個價錢。土耳其紅茶：跟普通紅茶沒大分別。好味就好味，初頭以為會唔夠飽，但原來食完都算幾飽。不過價錢就偏貴，平返十元八元就好！

早前和朋友出來聊天玩iPad，想找一些在旺角而又有點特色的餐廳，結果就選了這一間「Our Restaurant」。店子不易找，因為在女人街的深處，近登打士街那邊，而且門口和附近的餐廳比較也不太起眼。裝修簡潔乾淨，最有特色是牆上有些煙壺，整體來說是簡單得來有特色。還有顧客不多，當旁邊的日式台式西式食肆都爆滿之時，這裡不失為舒服好坐的小店。雖然是中東菜大家不太熟悉，但餐牌上已經有15個Set去選擇，基本上都是豬牛雞羊魚的卡巴卷，不難選擇。當我們點菜時，侍應非常熱心的幫忙介紹，本來我們選了一個比較貴的卷，但他說便宜的那一個比較有特色，感覺上都頗真誠，就聽他說說吧。先上的是小食芝士卷，卷本身不是太特別，芝士味不是很濃，是那個醬汁有點特色，一般之作。然後是轉轉燒羊肉卷及牛肉卷，做得不錯，羊也沒有羶味，不愛羊的朋友也覺得問題不大，配料如生菜等也很足料。而且肉因為用上獨特的轉轉燒，味道特別好吃，不過最大問題是不夠熱，在下不知道卡巴是否凍食，但就會覺得如果肉有溫度會更好吃。網上看見有人說肉食油，在下卻一點都不覺得，難道是因為肉在轉轉燒上放了很久，涼了，油也滴走了的原因？如是這樣在下寧願要油一點而熱一點

食過一次~不得了~~愛上這裡的卡巴~~兩個人﹐order了﹕轉轉燒羊肉卷﹕卷著的羊肉較咸﹐但配埋其他料同埋個皮就剛剛好羊肉卡巴﹕肉味比較鮮~ 以上兩款羊肉都沒有羶味的。芝士春卷﹕普通了一點。剛炸起﹐皮脆~但芝士味就唔濃土耳其紅茶﹕有助消化。味幾香﹐沒有落糖喝

10月23日, 是夜同呀比走入旺角女人街搵野食~ 由於今晚想食d奇怪野~ 所以揀咗食土耳其野~ 不過呢間野裝修唔太起眼, 爭d就行過咗~::: 土耳其特式薄餅 ::: $25所謂的特式薄餅其實係夾咗芝士同番茄嘅薄餅~ 2塊加埋都有半個8吋pizza咁大架~ 薄餅烘得頗脆身, 內裡嘅芝士呈拉扯半溶狀態, 香得黎唔太濃味, 與番茄味道十分夾~~~ 不過一定要襯熱食! 凍咗就完全唔係嗰回事…::: 土耳其沙律 ::: $30呢個沙律有青瓜粒, 番茄粒, 洋蔥同生菜絲, 最特別係加咗d couscous落去. 味道係酸酸地再帶d黑椒嘅微辣~ 整體味道係清新醒胃嘅… 缺點係太多油! 就算係橄欖油呢d健康油都落得太多, 尤其是d couscous索晒d油, 食落口真係覺得好膩…::: 轉轉烤雜錦肉卷 + 土耳其紅茶 ::: $55佢地提供嘅肉係按星期四至日就雞肉和羊肉, 星期一至三就係牛肉和魚肉咁嘅~ 太好了~ 我地今日係雞同羊! 貪心嘅我地~ 梗係要晒2款啦~ 估唔到個kebab都幾大舊架wor! 餡料除咗有雞同羊之外, 有頭先土耳其沙律d番茄, 洋蔥, 生菜絲同埋d沙律醬~ 味道其實夠晒惹味…

因為約咗人未夠鐘,所以一個人無無聊行街,咁啱LUNCH果陣又無乜點食嘢,行到咁上下,想搵個地方坐下飲下食下嘢,消磨下D時間唔想去快餐廳,想搵返個環境OK,坐得舒服既地方,平時行開女人街,2邊都有唔少食店,諗住不如行下睇下有無間啱的見到呢間食卡巴的,好似都唔錯,環境都幾舒服咁,一個下午茶先$35一SET,同埋我自己都幾鍾意食卡巴,所以入去試下我點咗個轉轉雞肉卷,跟個土耳其紅茶個雞肉卷唔錯,裡面夾咗生菜,蕃茄,生洋葱,配埋D汁,咬落去好爽好多汁,食得出好新鮮個紅茶,同平時飲果D唔同,佢D紅茶有D似涼茶甜甜哋既味道,我估可能係草茶果類企响度整嘢食既係一個外國人,可能係土耳其人,佢原來係老闆,仲有個阿嬸响度幫手,佢哋都好NICE如果下次再出旺角,我都會再嚟呢間食TEA