烏蠅館 (九龍中心大廈)

营业中

休息中

去開尖沙咀見到餐廳個名好特別叫烏蠅館🪰 發覺原來係食烤魚 好耐無食烤魚決定入去試下先！🤓有三款烤魚可以選擇 今次揀咗清江魚招牌香辣味 小辣少油 唔食辣嘅都唔洗擔心 有唔辣嘅蒜香味😎烤魚以平底鍋上枱 大條厚肉 唔會太多骨 食落肉質嫩滑👍🏻 真係幾好食！😋醬汁蒜味幾濃 不過少許偏油 如果再少少少油會更好烤魚本身已經配咗金菇、秀珍菇、木耳 食完烤魚加湯仲可以打埋邊爐添！唔執輸即刻叫埋土豆片、龍口粉絲、黑豚肉、墨汁墨魚丸黑豚肉肥瘦適中；粉絲吸哂啲湯好惹味！👍🏻墨魚丸嘅墨魚味真係幾濃 不過偏淋 如果彈牙的會更好🦑！🍋檸檬蝶豆花 紫藍色 少女心滿滿💙

在尖沙咀收工，就同同事試下附近呢間OpenRice入選嘅餐廳，我地沿海防道行，穿過寶豐大廈，就黎到呢條亞士厘道呢條食街亞士厘道兩邊都是食肆，烏蠅館就在條街的右手邊。烏蠅館門口：入到去個位就已經有個爐啦😆先睇Menu揀個湯底：我們要了個滋補菌湯火鍋，老少咸宜😆😆我們叫了不少食物，有魚腐：鮮蝦雲吞：墨汁墨魚丸，有成十粒：唐生菜都唔少：當然食之前，我們都各自準備了自己的調料：我們還叫了餐廳其他小食涼拌前菜，仲有飯、麵食等等。總體，菌湯湯底香濃，食物份量好足，性價比高。鮮蝦雲吞好大粒，蝦肉都好爽口；墨汁墨魚丸有特色，食得出真材實料；唐生菜都係好新鮮，$32有咁大兜真係好唔錯👍🏻👍🏻最後竟然係我同同事都話唔知食埋今次之後仲有無得食，因為埋單果時睇手機見最近香港疫情好似真係爆得太厲害😬😬 真係天佑香港&天佑香港食肆。

在朋友推薦下，來到尖沙咀九龍中心大厦地下嘅<烏蠅館>吃火鍋，是夜人客雖然比較多，不過好快便可以安排入坐。餐廳除左有火鍋，仲有烤魚鍋同多款餸菜嘅湯麵供應，而我地就比好幾十款火鍋材料吸引，來個火鍋之夜。<滋補菌湯火鍋 $108>呢個什菌鍋一上枱真心驚喜，完全無諗過可以甘大鍋，鍋入面有好多好多乾菌，材料十足，菌湯味道亦相當清甜，感覺滋潤養生。<風琴豆腐 $36>風琴豆腐好似一大堆疊埋一齊嘅豆卜，非常特別，打邊爐時，佢會吸收曬濃郁嘅湯底，入口非常美味。<墨汁墨魚丸 $48>墨魚丸粒粒都脹卜卜勁大粒，入口非常彈牙好食。<自家白菜餃 $68>因已預先半煮熟，建議不要滾太耐，白菜餃十分足料，粒粒都好大隻，入口啖啖肉。足料白菜餃，大隻又滋味。<四川土豆粉 $28>出面嘅餐廳比較少有土豆粉，呢到竟然有，土豆粉煮腍後可以吸收曬濃郁嘅菌湯，入口彈牙煙韌又惹味。成個鍋都充滿住野菌清香。<黑糖珍珠鮮奶 $28>最後來一杯黑糖珍珠鮮奶，入口有香濃奶味及黑糖味，珍珠亦夠彈牙，好飲吖!!~ 餐牌都有好幾十款