碼頭故事 (已搬遷) 新店位置

聽講是一間都幾正宗的四川打邊爐，所以一家人都去試下😎結果真係幾好食😋醬料不用出去拎，都放晒係台面上面可以倒 唔夠仲可以叫店員加🤣店員幾親切有禮貌 ，火鍋湯底都好好食😋成餐飯都好滿意，食完仲有7折，真係抵食！成餐飯有好多野食都沒有影相 記得冬瓜片是切到好薄 好快食得 吸晒湯汁 都是水準之作！仲有鴨舌都好新鮮好好味，每一個鴨舌都不是只有骨 都帶好多肉下！好好味自己好鐘意食鴨血的關係，呢間的鴨血真的相當滑，不似溝左豬紅/雞紅的感覺 所以仲encore左一次！正

友人講起最近係尖咀食到間麻辣火鍋，早d 食有折，價錢合理甘岩幾個fd 都係一齊放同一日平日所以早早bk 定5:30 時段，試一試我地有人唔食辣，所以點鴛鴦鍋本身係叫左菌湯，但唔知點解上係蕃茄湯。。不過算啦，我地費事換蕃茄湯幾濃下，但應該唔係蕃茄煲成辣個邊無問辣度，我食得辣就覺得越食越唔辣，加左次湯之後，係乜辣都無爽毛肚，睇得出洗得幾乾淨，同埋滾十秒到就夠，張墊台紙會有提示食材要滾幾耐食落真係爽口，而且薄身吸辣正，係唯一就係份量真係少左d依度滑類得墨魚滑一陣，墨魚味無乜，就係食彈牙既口感肥牛脂肪比例合適，都有牛味，依個唔錯，係份量少同貴左d鯇魚片魚味夠，又夠"脆身", 真係滾一陣就好啦我地仲點左牛丸，牛味都夠，但係口感唔夠彈牙蔬菜類都係不過不失我地今次係七五折，人均$190尖咀區食麻辣火鍋黎講折完價錢都ok同埋食裝修，成間店都裝修得好古代，坐既凳都係一條木個陣連凳我地兩個陣入面見到有電視節目拍緊，又見到幾粒星仔，估計遲d 應該越黎越旺場

之前朋友黎過依食過一次，話好正好夠辣又正宗，叫我地一定要黎試下，見佢講到甘吸引，就一於黎試下。好彩醒目，一早book定枱先，一去到已經好多人等緊位，但我地就算book左位，都要等15至20分鐘，因為間餐廳太full booking，雖然係安排上面扣左少少分，但餐廳的員工態度真係十分好，就算好忙都唔會黑面，十分有禮貌招呼你，依樣真係值得一讚個麻辣湯底真係好正，唔同平時出面麻辣湯底一味得個油字，依個湯底夠辣，唔油，湯味又濃郁，我一路食，一路出汗，但完全停唔到，中意食辣既人就係甘係一種享受