影片
更多
2012-11-01
103 浏览
朋友突然來電問有冇邊度好介紹而佢又未去過晚飯好地方.諗咗諗,如果佢未去過,好大機會都要我都未去過.要我未去過但又要好食就一定要去一啲我夜晚好少去既地方,咁就由深水埗開始睇起啦. 搵吓搵吓,有一間叫德發小廚既店舖. 見到一眾網友都有推介,仲要係一啲好有水評既網友既推介,一定要去試吓啦.去到當然見到招牌老細係度,老細係真係好識同人social,叫菜嗰陣都會sell吓佢嗰啲海鮮,但你唔叫絕對唔會黑面.咁啱嗰晚仲要撞正佢自己屋企人喺隔離枱食緊飯,以下當中一個餸都係見到佢地食先至叫.其實叫既都係大路嘢,大家平時去到會叫嗰啲. 第一個係無骨沙薑雞.雞係做得幾滑,雞味唔係太濃,個人唔係太喜愛外出食飯叫碟雞,因為用既通常都唔會係好靚既雞,點唯之靚雞.新鮮有雞味係我自己既定義,當然每一個人都會唔同,有啲人鍾意啲肉實啲,但出去食有幾何有新鮮走地雞比你食.唔係話佢差,只係唔係我杯茶.豉椒聖子皇,好野味既一個餸,炒得當然唔係老,入口一啲軟軟地,唔會好似趙香口膠.墨魚餅拼金磚豆腐,墨魚餅食過福臨門之後都好難好得過佢,其實嚴格啲講應該係墨魚丸至啱.當然福臨門價錢係佢一半,但就只係得三塊,佢地成碟都係再加埋豆腐,咁
去到當然見到招牌老細係度,老細係真係好識同人social,叫菜嗰陣都會sell吓佢嗰啲海鮮,但你唔叫絕對唔會黑面.咁啱嗰晚仲要撞正佢自己屋企人喺隔離枱食緊飯,以下當中一個餸都係見到佢地食先至叫.
其實叫既都係大路嘢,大家平時去到會叫嗰啲. 第一個係無骨沙薑雞.雞係做得幾滑,雞味唔係太濃,個人唔係太喜愛外出食飯叫碟雞,因為用既通常都唔會係好靚既雞,點唯之靚雞.新鮮有雞味係我自己既定義,當然每一個人都會唔同,有啲人鍾意啲肉實啲,但出去食有幾何有新鮮走地雞比你食.唔係話佢差,只係唔係我杯茶.
豉椒聖子皇,好野味既一個餸,炒得當然唔係老,入口一啲軟軟地,唔會好似趙香口膠.
墨魚餅拼金磚豆腐,墨魚餅食過福臨門之後都好難好得過佢,其實嚴格啲講應該係墨魚丸至啱.當然福臨門價錢係佢一半,但就只係得三塊,佢地成碟都係再加埋豆腐,咁比又係唔公平.如果純粹計彈,佢係好彈既,但墨魚既味道就相差好遠了.豆腐炸得相當唔錯,薄薄地脆脆地既表面,豆腐係讚既.
燒汁豬面青, 彈牙既豬頸肉加埋少少野味既燒汁,可以一試.
豉油皇炒面, 簡單既炒面但唔係度度都做得好.話說食到最尾都好似仲差少少(一陣就後悔,等陣你就知),意猶未盡見到老細屋企人食緊豉油皇炒面,就叫一碟試吓啦.送到出嚟,好好鑊氣,味道亦非常好.如果真係要挑剔,只能夠話多咗啲油.
德發有個特別既地方就係佢地做埋甜品,唔係大路嗰啲,而係我地食完飯再去其他地方食嗰啲有質素既甜品.雖然當晚叫嗰陣有關酒類既甜品都冇,但佢個梳乎里比好多地方都做得好,從張相都可以睇到佢好挺,誇張啲講真係有酒店既水準,甚至更好.
椰絲奶凍磚就普通啲.
非常唔錯既一餐,一定會再光顧的.
张贴
