Go Inside Kitchen (已結業)

呢日係觀塘搵左間工廈西餐廳, 帶左女朋友黎食。餐廳位置都非常方便好易搵。上到去發現都幾full, 接近坐滿人。好在有book 位~唔駛等就坐底啦～食物選擇都非常多, 我地選擇左試一試二人餐。一開始上既當然係前菜啦～分別係大啡菇田園沙律 同火腿件蜜瓜田園沙律。正正天氣好熱, 有沙律開下胃先。火腿伴蜜瓜呢個沙律我認為係必嗌, 味道非常夾, 而且有配黑醋汁, 食慾大增。緊接黎既係誠意十足既南瓜忌廉湯。廚師好有心思拉過花係面。賣相一流!呢個餐湯有濃濃既南瓜香, 而且飲到打碎左南瓜既texture。正!跟住要黎main喇! 先到海鮮意大利飯。海鮮飯用料十足, 大大粒蝦球, 大大粒帶子, 啖啖肉!飯本身用既應該係正宗意大利米, 比起日本米更加圓身同大粒。中意食risotto既食家一定滿意!再黎既係三文魚芝士薄餅, 呢個薄餅係可以拉到12吋既絲出黎, 皆因芝士超多的。薄餅本身好脆口, 又唔會太厚, 廚師well done. 呢個時候已經超飽。薄餅決定唔好嘥打包番屋企再食。呢個時候仲有甜品要上。分別係士多啤梨泡芙同雲石蛋糕, 甜品份量少少地岩岩好。當中泡芙又係必推之選。比起甜品鋪都唔失禮。總括而言,

晚餐特登入左觀塘區食。揀嚟揀去，最後去左Go Inside Kitchen，都推薦大家食呀！雖然Go Inside Kitchen喺工廠大廈入面，但門面好靚，好放心餐廳入面裝修精緻！店舖唔大，但坐滿人，好有人氣嘢食方面就嗌左Set dinner蒜蓉法包，非常好味！外脆內軟，仲有好多香草同蒜蓉粒，好惹味，一定要試！跟住係煙三文魚田園沙律，配上黑醋食，酸酸地，特別開胃煙三文魚好新鮮，份量都好夠！仲有黑松露帶子意大利飯。好濃黑松露味，但又唔會食到一半覺得膩！帶子係半熟，有啲煙韌。飯粒就偏硬，好啱意大利飯最後如果食得太飽，可以叫士多啤梨泡芙做甜品！感覺輕量啲，唔會太滯。入面仲係士多啤梨cream，都幾特別架

世俗的人類經常會以貌取人。俗語有雲「人不可貌相，海水不可斗量」，以貌取人往往是人類常犯的錯誤。無論大廈入口、走廊、升降機大堂都盡顯歲月的痕跡，晚上8點，過了辦公時間，顯得特別冷清，雖然是照著地址前來，都難免存疑，難道這座舊工廈真的別有洞天？升降機停在5樓，步出大堂，進入餐廳，一慣樸實作風，沒有華麗裝修，不過餐台及座椅排列整齊，桌子乾淨俐落，感覺既簡單又舒服。侍應問我們想坐室外還是室內，既然可以選擇，何不先參觀一下再決定。室外有個特色露台，半腰的石矢圍欄有油畫粉飾，即使坐在椅子上仍然可以一覽觀塘道的樓景，因為半露天設計，可與天地相容，把酒問青天，確是別有情調。可惜今晚微雨，室內為佳，有點可惜。Set Dinner是直接了當的最佳選擇。煙三文魚卷成正在盛放的玫瑰花瓣，是女仕們的至愛，摘了2朵優雅地放置在沙律菜中，黑醋汁澆在上面，增添色彩。看著都覺得幸福。煙三文魚帶點煙熏的香味，沙律鮮嫩微甜，黑醋帶酸，把它們混合一起，層次更為豐富，黑醋既帶出沙律的清甜，又沒有蓋過煙三文魚的甘香，配合得相得益彰。巴馬火腿粉嫩的外表，相當吸引。味道鹹香的巴馬火腿配合清甜爽口的蜜瓜，中和之餘亦更加突出巴馬火腿那種