影片
更多
2021-12-15
2113 浏览
正當大家都仲未可以東瀛遊時，日本其實早已慢慢滲緊入黎香港。近日又有一間蛋包飯老字號「グリル滿天星」登陸海港城，引來大批人流天天排隊，連P哥同E神都要搵XO仔兩兄弟一齊過海去探過究竟。週六中午，長長嘅走廊早已企滿老中青嘅食客，當中連BB車都見唔少，幸好翻枱迅速，四口子等咗半個鐘即成功入座。一如其他食評家所講，店內好多時都有吉枱，P哥亦心明此乃生意佬為製造人氣蛇餅所度嘅竅。店子內外嘅白色牆身望落光鮮潔亮。樓底高高嘅用餐大堂排出三行以防疫膠版隔開嘅二至四人枱。最舒適係圍邊嘅半梳化合拼式散座。餐桌上有大大樽水及自用餐具。因早已知悉必須以電子落單，所以就襯排隊時細閱牆上中、日、英對照嘅大型彩圖餐牌，選定菜式。最健康嘅哥哥點咗客「日式海鮮沙律」（$148）。小肥個人簡單啲，揀咗餐牌上幅相最大嘅「滿天星肉汁漢堡扒蛋包飯」（$238），諗住鎮店主打最有保證。蛋包飯嘅賣相同相片分別不大，橙亮鮮黃嘅蛋蛋鮮濃軟滑，絕對係碟上之最！反而蛋蛋下面嘅蕃茄炒飯唔似用日本米炒出，因飯粒細小且唔得肥潤；厚厚嘅漢堡扒亦唔夠鬆嫩，由於大家對$238嘅要求都較高，難免會覺得失望。意外地，P哥客「日式咖喱吉列豬扒蛋包飯」（$2
週六中午，長長嘅走廊早已企滿老中青嘅食客，當中連BB車都見唔少，幸好翻枱迅速，四口子等咗半個鐘即成功入座。
一如其他食評家所講，店內好多時都有吉枱，P哥亦心明此乃生意佬為製造人氣蛇餅所度嘅竅。
店子內外嘅白色牆身望落光鮮潔亮。
樓底高高嘅用餐大堂排出三行以防疫膠版隔開嘅二至四人枱。
最舒適係圍邊嘅半梳化合拼式散座。
餐桌上有大大樽水及自用餐具。
因早已知悉必須以電子落單，所以就襯排隊時細閱牆上中、日、英對照嘅大型彩圖餐牌，選定菜式。
最健康嘅哥哥點咗客「日式海鮮沙律」（$148）。
小肥個人簡單啲，揀咗餐牌上幅相最大嘅「滿天星肉汁漢堡扒蛋包飯」（$238），諗住鎮店主打最有保證。
滿天星肉汁漢堡扒蛋包飯
$238
40 浏览
3 赞好
0 留言
滿天星肉汁漢堡扒蛋包飯
$238
56 浏览
3 赞好
0 留言
日式咖喱吉列豬扒蛋包飯
$228
43 浏览
2 赞好
0 留言
原本落單叫甜品時發現「抹茶窩夫」（$128）售罄，好彩細佬把聲夠大，旁邊嘅妹妹仔即告知此為系統錯誤，一分鐘內迅即更新成功，既專業又有效率，掂呀！
兩件窩夫厚而鬆脆，伴配嘅抹茶軟雪糕醇香幼滑，塗上滑溜嘅忌廉及甜美嘅紅豆即令口感倍添層次。
抹茶窩夫
$128
35 浏览
3 赞好
0 留言
士多啤梨窩夫
$128
32 浏览
3 赞好
0 留言
张贴
