好茶養生 (MOKO新世紀廣場) (已結業)

·好茶養生養生飲品滋潤健生🧡🧡🧡🧡🧡～～～～～～～～·1️⃣蘋果美顏茶🍎🍵($36)＊主要係美容養顏同埋健胃消積，蘋果味反而冇咩，可能因為嗌咗少甜少冰，但又好似有酸酸咁嘅味道，都真係幾消滯嘅感覺😉😉(score: 4/5)·2️⃣士多啤梨茶🍓($36)＊呢杯士多啤梨茶都嗌左少甜少冰，飲落又幾清新，不時都咬到啲士多啤梨籽🍓🍓🍓飲落又有微微嘅茶香味😋😋(score: 4/5)·3️⃣紅莓慕絲蛋糕($48)🧁＊入面係紅莓慕絲，酸酸地嘅味道，正中間仲有一層紅莓味嘅啫喱，層啫喱仲更加酸，但配落慕絲蛋糕有幾好食😋😋但慕絲蛋糕面頭嗰層朱古力就需要改善喇，因為朱古力又冇朱古力味，而且又唔會脆皮，腍腍地咁又，如果可以做到脆皮就一流😂😂(score: 3/5)·4️⃣士多啤梨千層批🍓($48)＊樣貌好吸引，一層層嗰啲就係士多啤梨味嘅cream，預期個千層酥皮係脆既，點知係好腍好韌😂😂一下叉落去同好用力叉落去都整唔開😂結果係成層咁樣攞起食，但食落其實味道係唔錯嘅，幾香嘅士多啤梨味而且又唔會好甜👍🏽👍🏽😋😋係個酥皮要改善😂🙈(score: 3/5)•·-評分👑賣相：✨✨✨✨味道：👅👅👅價錢：💰💰💰💰推介：⭐️⭐️⭐⭐(5分滿分)

依間茶飲店以白色及金色為主調，設計簡約型格，買完飲品仲可以坐低同朋友邊飲邊聊天～小店主打健康養生茶，店內仲有售賣甜點、茶味gelato、養生茶包及食品。行街經過見到依家做緊優惠，$58就可以享用到飲品加蛋糕，好抵呀～❀ 桂花雪梨茶近排食得熱氣野多就揀了依杯中式養生茶，佢有清熱潤肺及養陰生津既功效，而且配料好豐富，有桂花、菊花、橙皮及雪梨乾。飲落好清甜，有淡淡桂花香及果香味，清涼解渴❀ 士多啤梨茶本身以為泡泡系列係氣泡茶，但原來泡泡係指打入氮氣令綠茶飲落更順滑。杯內有士多啤梨片及青檸，飲落士多啤梨味突出，配合埋茶香，感覺好清新又解膩❀ 玫瑰荔枝慕絲粉紅色玫塊花造型既蛋糕，賣相好精緻～切開蛋糕會見到明顯既分層，外層係荔枝慕絲，入面夾住一層玫瑰啫喱及海綿蛋糕，底部仲有餅底。整體酸酸甜甜，荔枝味較突出，味道清新，甜度適中❀ 士多啤梨千層批賣相同樣吸引～千層批上有一層層既士多啤梨cream，表面仲有開心果粒粒及士多啤梨作點綴。cream有香濃又酸甜既士多啤梨味，夾埋酥皮食口感豐富，而且食完唔會膩

呢日喺MOKO食Lunch，食完就周圍行下，好耐無行呢個商場，估唔到變咗咁多，而且我而家先發現原來個商場咁大🙈。行下行下一樓啲手作文青店，見到有間好少女風嘅靚靚小店，原來係賣養生茶包的🌿。除咗茶包外，仲有茶飲同蛋糕仔賣🧁。見頭先食晏未食甜品，就試下啦，加上小店有做套餐$58，包自選杯裝飲品一杯+花茶蛋糕一件。皇牌氣血茶❤️(原價$38)，見個名好似好養生咁XD，而且水牌上嘅效用係寫住「理氣散瘀、暖宮驅寒」，就叫咗杯熱嘅嚟試下。不過要小心個杯熱啊，因為係用膠杯，所以一定要拎住紙皮個位。氣血茶用上多種花同棗，甘甘地唔太甜飲落幾舒服，感覺好似真係啱女仔飲咁💁‍♀️。士多啤梨茶🍓(原價$36)，呢個係朋友叫嘅，只能夠點凍茶，因為係泡泡系列，所以茶上面嘅係泡泡，而唔係奶蓋。士多啤梨味唔算太濃，反而加咗片青檸令佢變得清新。夢幻卷蛋🦋(原價$42)，蛋糕係藍色，望落的確幾夢幻。不過味道就無乜特別，正常一件蛋卷。白朱古力抹茶蛋糕🍵(原價$42)，造型成個冬甩咁🍩，幾得意。抹茶搭配白朱古力幾夾，幾好味，上面仲有啲食用花添。由於我杯氣血茶真係唔錯，所以特登望下啲茶包。原來都幾多款揀，$120/10包，定價可接