彭慶記

营业中

休息中

入彭慶記食飯前，我都唔知佢係米之蓮一星餐廳，係坐咗落去見到牆上有好多牌掛咗係度先知！咁餐廳地方唔算大，都等左五至10分鐘左右先有得入坐！咁我哋叫咗五餸一湯，有沙薑雞、士多啤梨骨、薑蔥魚頭、魚香茄子煲、啫啫生菜、同老火湯！沙薑雞幾好食，雞肉嫩滑有雞味，而且碟沙薑好夠味！士多啤梨骨好夠味，酸甜度剛剛好，啲肉又唔會太肥！薑蔥魚頭十分惹味，我本身唔食魚頭嘅，但係實在太香啦，我都忍唔住食咗兩舊，而且佢將個魚頭揸到連骨都食得！魚香茄子煲超級正，食得出佢用靚嘅鹹魚，我都係第一次食咁好食嘅魚香茄子煲！啫啫菜同老火湯都OK有水準！

朋友說他以前在跑馬地上班的時候，經常來到這裏用膳，另外最近也繼續獲得米之蓮一星的榮譽，所以慕名而來。一早訂了晚上七點半鐘，早了10分鐘來到，看見有枱，心想此枱會是我們的，點知老闆問你們來人齊沒有？我回答所有人已到，在隔離店舖睇嘢。結果老闆叫我們多睇一陣，訂枱時間還未到....。此枱給了另外輪候的四人，他們在10分鐘內快速叫其他枱埋單。我們準時坐下，還安排了沙發座位，但其實我最不喜愛坐這種位，但亦不敢逆老闆意思。我們點了門口黑板寫着的幾款廚師推介。幾個餸菜都很出色！糯米釀雞翼是我最愛的，雞翼炸得香脆並不油膩，釀滿美味的糯米飯老闆還說我醒目，一坐下便點一款小菜，其後再點其他，這樣可以分開慢慢食。其中一位朋友很喜歡吃砵仔焗魚腸，奈何平時很少人陪他吃，我們所以一試，覺得非常出色，面層鬆脆。士多啤梨骨感覺有點像生炒排骨，士多啤梨味稍為遜色，但以生炒排骨來說佢做得好好。滑蛋蝦仁，蝦仁爽脆，蛋夠滑溜，非常美味。咖喱牛腩，味道似葡汁牛腩，牛腩亦不是炆煮得太好，是今晚最差的一道餸，也不會推介給任何人。雞湯莧菜，味道不錯也不會有一層油，不過份量太少。總體來說小菜都很出色，不過地方少一點，我們看見隔離枱的啫