東園酒家宴會廳 (已結業)

到灣仔處理完事務，順道在這裡晚餐。近來天氣熱，最適合飲冬瓜盅。於是想到酒樓晚餐。在遠處看到一間酒樓，感覺富麗堂皇，再看看餐牌，價錢合理，仲有冬瓜盅，於是便在這裡晚餐。酒樓很大，地方寬敞，有多間 VIP 房。我們六點幾到達，但已有很多人在用餐。我們首先點了「八寶冬瓜盅」。八寶冬瓜盅，材料豐富，鮮甜美味，消暑好選擇 看似很少，原來可足 3-4 人食。食這個，再送飯已夠飽！但我們再點了「士多啤梨骨」及「香茅粉絲中蝦煲」。士多啤梨骨，很特別！賣相不太吸引，但酸酸甜甜，醒胃！香茅粉絲中蝦煲，這個餸都頗特別，用香茅！中蝦大大隻，啖啖肉！粉絲有香茅的味道，頗特別！但最愛都是八寶冬瓜盅，飲了很多碗，很滿足呢 ^_^

今日又出街食飯啦，同爸媽食都係食中菜穩陣啲我地三個人七點半到黎到，場內都幾多人。我估因為東園會做婚宴擺酒，所以門面都幾有擺酒場地feel。上茶後就上埋小食，又幾好食wo，有豆角、鴨胸同菜蒲等，酸酸地，幾開胃！去酒樓食飯，一定要睇下有咩特價先最抵莫過於呢個冬瓜盅！好大個，材料好豐富！有花膠、螺頭、草菇、蝦球同鴨粒等。食到最後都仲有好多料冬瓜燉得好淋，冬瓜肉一筆就開，好好肉！個湯好清甜，唔多油，勁多螺肉。我地每人飲左成三四碗，好滿足！$58超抵！脆米吊燒雞第一次食用脆米去整燒雞，又幾脆wo，比就甘燒脆好多！雞肉好嫩滑，幾肥美，雞皮好香口，跟沙薑醬，唔夠既可以點唔錯！士多啤梨骨食得多生炒骨，食下士多啤梨骨又幾合胃口！酸酸甜甜甘，幾開胃。肉嫩，唔鞋，肥肉較少，多為瘦肉。幾中意呢味！食完飯有紅豆沙或綠豆沙送！好棉，唔會太甜！紅豆大粒，好沙，唔會剩係得水，好香果皮味。職員好好禮貌，不時為我地換碟。當我地筆冬瓜盅時，都會主動幫手，讚！

話說今日同媽媽出去食飯，所以就揀左間中餐。一入去都幾靚。左邊有樓梯右邊有𨋢<每日足料靚湯——眉頭花生雞腳湯>我地叫左個每日足料靚湯，今日係眉頭花生雞腳湯。<每日足料靚湯——眉頭花生雞腳湯>淨係睇啲湯渣都知道真係好足料。呢個湯份量超多，差唔多有成6-7碗。除左份量多之餘，可能因為材料足既關係，個湯好濃，但又唔係味精既濃味，好似自己係屋企煲嗰啲咁。另外，店內既待應勁好，係會幫埋你潷湯，係自動自覺嗰種，服務態度100分！<豉油雞(半隻)>呢個豉油雞一放底已經聞到好香既雞味，超級期待。<豉油雞(半隻)>一食，啲雞完全無雪味，只有好香既豉油味同雞味，相比其他酒樓好味好多！<士多啤梨骨>士多啤梨骨我都係第一次見，食落唔係好重士多啤梨味。雖然個骨係炸既，但係食落都唔覺得膩，同埋都唔算韌。<鮮百合咕嚕素肉>真係有鮮百合，媽媽好喜歡！個人唔食素肉我就唔鐘意，不過個咕嚕汁都整得幾好，唔會太稀又唔會太滐，酸度都岩岩好！整體而言，我好推介呢間酒樓！食物質素好，店員服務態度都好好(而家好少搵到服務態度咁好既食肆)，價

東園酒家宴會廳係灣仔區內經濟嘅酒家，飲茶幾抵。偶然見到附近有個廣告牌推廣黃油蟹，價錢幾抵，今日一於同朋友嚟試吓。點左茶後侍應就擺低左碟前菜小食。前菜小食$15涼拌貢菜 - 望落去似青椒，食落去味道似曾相識，一問之下原來係貢菜嚟。第一次喺香港食到貢菜，好驚喜。出差時曾經喺大陸食過幾次貢菜，大陸同事異口同聲話貢菜營養價值高，又可以抗癌，要多食。因為貢菜係外省食物，一般喺街市都好難見到，自己喺屋企附近個街市亦從未見過，慢慢都已經唔記得左貢菜嘅味道。呢個涼拌貢菜，顏色青翠，入口非常爽脆，鹹甜適宜，雖然加入左辣椒絲，但一啲都唔辣。凉拌菜式，好啱用嚟做餐前小食!士多啤梨骨＄88 - 酸酸甜甜，幾醒胃，入口仲帶少少士多啤梨果香。雖然叫「骨」，但係骨嘅比例好少，入口啖啖肉，肥瘦適中。黃油蟹＄288一隻，唔算好大隻。眼突突，好新鮮咁。仲有至尊黃油蟹，$388一隻，先食$288呢款先。黃油同紅色蟹膏各半，非全部黃油，但蟹膏軟滑、甘香味濃，蟹肉鮮味。除左食蟹用具，仲提供膠手套，用手食最方便。竹笙羅漢鼎湖上素＄98，面層有好多竹笙，底層係菜芯。裏面全部都係菇菌，口味清淡，呢個菜式特別健康，但味道一般。杏汁花膠