酒盗 (已結業)

好開心男朋友帶我黎呢間慶祝生日❤️男朋友嗌左月見蔥花吞拿魚腩飯，壽司飯煮得好好，但有黏性又粒粒分明。本身以為係一整塊吞拿魚腩咁上，但原來佢係斬成魚蓉，入口油脂甘香，撈勻生雞蛋黃，再多一啲蛋黃嘅黏性同風味。整體成個飯都好好味， 十分推薦。我就嗌左omakase壽司八貫，魚生十分新鮮，尤其鐘意佢個帆立貝同吞拿魚蓉壽司，整體八貫都十分滿意😋食完主食仲嗌左幾串串燒，不過就唔記得左影相，哈哈，嗌左燒雞皮蝦卷，非常特別，無諗過蝦同雞味可以咁夾！另外仲嗌左雞軟骨、九條蔥豚肉卷、燒羊架、燒厚切牛舌同雞翼，全部都燒得好香，好好味！👍🏻呢間居酒屋環境清靜，野食又抵食，以後一定會再黎，推薦！

甘啱今日喺呢頭做嘢，可以同男朋友一齊食晏晝（開心！）男朋友推介左呢間日本餐廳，話佢嘅用了新鮮得來，價錢唔貴；加上最近比較熱氣，想食得清淡少少，食日本野就啱啱好！去到嘅時候已經開始要排隊，等左幾分鐘左右，店員幫手加多個位，咁我哋就可以入去坐啦。雖然迫少少，但係呢個行動好貼心，抵讚！原本想食甲殼丼，但今日無賣，我哋就嗌左「壽司八貫」、同埋「銀雪魚西京燒」。其實我唔係好識分啲刺身魚，不過望住師傅係你面前即場切開啲刺身，整唔同嘅菜式，就覺得好新鮮；望住師傅嘅刀工，已經值回票價！小驚喜：1.蒸蛋嘅蛋味好濃郁，鍾意食蛋製品嘅朋友一定會鍾意！2.另外，後上嘅雪糕亦令人好有驚喜，因為佢係用冰杯上嘅，所以就算係夏天，雪糕都唔會咁容易融！3.杯綠茶好好飲呀，好香濃！