鳥山名

营业中

休息中

日式居酒屋最緊要食材要新鮮餐廳主打日本空運時令刺身食材小妹最鍾意order季節限定餐單由其係當季刺身生蠔 特別肥美鮮甜🤩🦪🦪法國普斯生蠔(3隻)🐟 刺身三點（油甘魚/帆立貝/赤海老）2份即開生蠔爽口鮮甜，淡淡海水味，一口氣食晒三隻都唔會漏！必點時令刺身，特別推介大size赤海老&大大粒帆立貝，鮮甜味美，一點腥味都無！新鮮之選😋🐟鹽燒黃花魚定食(必點推介⭐️⭐️⭐️⭐️⭐️)份量超大嘅燒黃花魚，肉質嫩滑，魚皮燒到金黃香脆，加左檸檬汁增添清新口感，十分有驚喜🤩🍱 壽司定食（季節壽司8件，卷物4件）淨係食左少少刺身又點可以滿足小妹個胃，想食壽司又有選擇困難，絕對要點依個壽司定食，餐廳以時令刺身製作壽司和卷物，多種類之餘仲配有沙律、前菜、湯和甜品，絕對是大滿足😌

嚟到愉景新城想食日本野，但唔想食味千同元氣😂就試下呢間啦。款式好多，有串燒、壽司、炸物、鍋類、主食及甜品。睇咗一陣先決定到食咩🤣食物質素就不過不失～🔸壽司定食（HK$140）有9件壽司、3件蟹柳卷物。壽司刺身色澤唔算好新鮮肥美，飯粒質素不過不失，食完唔令人驚艷😌仲有啲伴碟，沙律啲菜好莓無生氣，小菜都無咩開胃效果，比較好食嘅係抹茶餅，幾煙韌～🔸芝士炸蝦卷(HK$58)呢餐最滿意嘅一款，炸蝦都算大粒，入口仲有溫熱感🤪上面嘅芝士火炙完更有芝士香，好有層次感～🔸煎餃子(HK$48)除左煎都可以揀炸嘅煮法，餃子外皮略燶左少少，皮嘅厚度同餡料量都適中～🔸三文魚腩手卷 (HK$34)三文魚腩有2塊，尚算肥美，但紫菜就淋左啲～

有一排冇食日本嘢啫，開始日本症發作，會無故想去日本旅行、無啦啦噏幾句日文，咁唔掂喎，今餐點都要食日本嘢㗎喇一入到店內，樓面安排我地坐bar檯，眼見咁多新鮮嘅刺身，忍唔住嗌生嘢飲住靚茶準備用餐檯前有口罩袋供應，無微不至呀呢杯cocktail幾好飲，加咗啲日本酒、檸水同梳打，配搭超夾呀嗌定食會有優惠價加嘢飲，唔係唔嗌嘛？大胃短暫嘅夢想同需求終於嚟喇，有反卷、軍艦同手握壽司，大家庭聚首一碟呀！吞拿魚蓉同其他刺身鮮味果然十足，飯嘅比例剛好仲有啲前菜伴碟，有生亦有熟連甜點都包埋，正湯嘅溫度同鹹度剛好，飲幾啖就完事但好滿足人係唔可以咁易自滿，食埋個甜品先啦！大滿足果然係大滿足，種類繁多，而且份量不容輕視，樣樣都咁精彩，真係會滿足到反肚其中最正就係柚子雪葩，酸甜交替，平凡中嘅不凡食完呢餐，暫且可以紓緩到日本症，一晚咁多啦