Pancake House HoiHoi (Megabox) (已結業)

Megabox有間由日本名古屋開過黎既梳乎厘班戟店，見平日下午無乜人等位，就入左去嗌咗個夏威夷果仁忌廉梳乎厘班戟做下午茶。甜品擺盤黎講都整得幾靚，配合夏威夷果仁既主題而擺咗一朵紫色花同綠葉係碟既側邊襯托番。梳乎厘班戟有三塊，上面有一層幾滑既cream同夏威夷果仁碎粒。梳乎厘班戟既口感比普通班戟更加鬆軟同有彈性，食完好有飽肚感，略嫌d cream既份量唔夠多，食到最後要就住就住黎用，搞到最後d班戟較乾。整體而言味道同口感都不錯，但一碟甜品$138再另收加一服務費，CP值就算一般。📍九龍灣Megabox 1樓19-20號舖位置就腳：🍊🍊🍊餐廳環境：🍊🍊🍊食物味道：🍊🍊🍊整體CP值：🍊🍊

下午茶時間在MEGA BOX見到一家似是新開的PANCAKE店，感覺應該不錯，就走進去試試。打開MENU，其實有點迷糊，好多食物的名字太相似，對於選擇困難症患者有一定挑戰。後來才發現看英文名字比中文更易明。其中班戟和梳乎厘所佔版面比較大，就來試試這些主打餐品。楓糖忌廉夏威夷班戟，樣子簡潔，雪白的忌廉包裹著PANCAKE，楓糖點綴，整個口感扎實，有蛋香，易飽肚。夏威夷果仁忌廉梳乎厘班戟，忌廉巨多，軟綿細膩，反而梳乎厘有點過於濕潤，有點空氣感不足，不過吃了似是沒吃的本質效果還在。牛奶抹茶，抹茶粉加得太多，很多粉塊還未分解亦分解不了，喝到最後還請服務生拿熱水來自助開稀。總體來說食物味道不錯，但價錢偏貴。

之前食過megabox一間pancake house, 佢既pancake真係好吸引所以lunch time時間同同事再黎回味下每次都有幾款set lunch俾大家揀, 唔岩食仲有餐牌點既我地叫左龍蝦汁火炙芝士海鮮意大利飯set同埋燴匈牙利牛肉意粉set燴匈牙利牛肉意粉呢度既牛肉不嬲都唔錯, 入味同時唔會好韌好乾醬汁多, 可以慢慢撈意粉黎食龍蝦汁火炙芝士海鮮意大利飯我同事話味道夠意大利飯口感唔錯, 好食既lunch set有湯跟, 佢既南瓜金筍湯幾creamy係足料唔會好水果隻黎到重頭戲pancake!!餐牌有好多款選擇, 揀左夏威夷果仁忌廉梳乎厘班戟分量3人share既話岩岩好, 不過今次我地得2個人(唔理一定照order, haha)雖然每人食多少少, 但完全唔會太飽太膩忌廉好滑, 又有果仁粒粒香甜度係剛好, 加上超鬆軟賣相咁靚, 又得食又有得影相打卡大滿足~

又一日本Pancake登陸香港, 圍左板裝修成2個月, 等到變左長頸鹿, 終於開業就急不及待去, 午餐時段都等左45分鐘有位, 五個人坐左一張圓枱, set lunch 全部系咸點($68-$88)可跟湯及飲品, Pancake就無做set, 所以我地叫左三個pancake+兩個咸set lunch+飲品. 有加一服務業費,  5個人合共$650, ,平均每人$130. 其實向香港食Pancake都會比日本貴小小, 拉麵亦是.  份量質地味道是我喜歡的剛好, 不是太輕飄飄又不是熱香餅般實在,  每碟有三件, 林林地, 熱熱地好吸引. 點左原味梳乎厘班戟($88), 夏威夷果仁忌廉梳乎厘班戟($98), 法式焦糖梳乎厘班戟 ($98), 咸Set lunch叫左夏威夷漢堡蛋飯跟湯($88), 意式雜菜茄汁意粉湯跟湯($68). 咸set lunch味道正常, 重點系Pancake cake 絶對值得一試, 尤其大家未能親身飛到日本.