豆研心事

营业中

休息中

年頭博康邨街市翻新後重開，開咗間以豆乳甜品做主打嘅小店，價錢唔貴之餘、份量仲好多，啱晒一班女仔買嚟Share，食多幾款先係皇道！.➜芋圓 4 號配黑糖（豆腐花、芋泥、仙草、花奶）拎住已經覺得好重手，開盒見到滿滿號芋泥同芋圓，絕對係大滿足！花奶同黑糖嘅味道同香味都好夾，芋圓Q彈有咬口，同綿滑嘅芋泥嘅配搭令口感更豐富。.➜多芒西米小丸子最簡單嘅味道，最滿足嘅享受。芒果直頭係無處不在，啖啖都係果肉咁濟，炎炎夏日，食返碗透心涼嘅西米露真係冇得輸！.➜芝麻糊豆腐花揀咗暖笠笠嘅豆腐花畀媽咪，暖滑嘅豆腐花帶帶濃濃嘅芝麻味，芝麻糊香氣十足，唔算太甜，啱晒媽咪口味，仲會另外用袋仔包住紅糖，好貼心！.店內仲有好多選擇，下次經過一定要再試！.#msmessypig_food

兩位小編都好鍾意食芋圓 好鍾意食豆乳狂人但依家豆乳狂人越嚟越貴😖最近比我發現到一間平民價嘅甜品店主打豆乳製品 有桃膠、豆腐花、芋圓、雜果系列嘅甜品住喺沙田嘅人有福了！-🍧芋圓3號 💰$36有豆腐花、紫米、仙草、花奶另外可以配黑糖/豆乳/紅糖/煉奶/冰糖椰汁🥥超足料！全部配料都超多 性價比高呢個唔可以當做飯後甜品 因為會超飽🤣兩個人share食都夠！-🥭多芒西米小丸子 💰$40芒果切得大大粒 而且味道好甜 份量都幾多食到最後都仲食到芒果肉!! 值得一讚整體味道酸酸甜甜 有細個食許留山嘅回憶😹但係如果小丸子再多啲就好啦!!🫡-🍡粒粒炸芋圓+煉奶 💰$25炸芋圓都真係第一次食 🤣原本見個樣好似好乾咁 仲以為中咗伏但估唔到有驚喜！芋圓煙煙韌韌 仲可以分別食到芋頭、紫薯、番薯嘅味道點埋煉奶甜甜地幾好食😋

＊呢一站沙田＊👉👉👉即叫即整村屋街市小店👈👈👈😋多芒西米小丸子(8/10)＊整體味道濃郁＊芒果又甜又多汁；西米份量超多，感覺食極都仲有；小丸子細細粒好煙韌😋芋圓5號(豆腐花、桃膠、仙草、花奶)配豆乳(7/10)＊每款配料份量都多，每啖都非常豐富＊豆乳味道較淡，唔會太甜，唔會搶咗各配料嘅原有味道＊豆腐花夠滑，味道夠原始，唔會有其他添加嘅味道；桃膠口感爽脆；仙草入口彈牙，味道唔會搶咗其他嘅味道；芋圓色彩繽紛，口感及味道都不錯