貓山皇 (已結業)

跟男友兩個來到元朗遊玩，本想到惠康買支水再諗食乜晚餐，甫踏入惠康，陣陣榴槤香氣迅速竄入鼻孔，繼而走均全身再直奔大腦，啊 媽呀 我好想食榴槤呀！想食的慾望令大腦𣊬間閃出元朗有間專食榴槤甜品的「貓山皇」，立即搵下係邊，地點就係出惠康過馬路再轉彎就到！好近！六點黎到，店內小貓三四隻，正常啦呢段時間，餐廳內設計走摩登現代路線，牆整成貨櫃幾有特色，又整了玻璃廚房，街外人可以睇甜品製造過程。果真，成間都是食榴槤的，那種找到心頭好的幸福感加滿足了慾望的快感，難以形容....夢幻貓山皇榴槤雪糕基本上是每檯必叫，上檯時d煙出到baba聲咁(?)，如此夢幻，相機先食是常識吧。影影影影左十張後，煙開始無啦，雪糕開始溶啦(T_T)，d煙對雪糕既味道都無乜關係，呢好雪糕好重榴槤味！食落口感幻滑，加上芒果汁珠珠同杏仁片，視覺同味覺都唔會太單調，而且甜味適中，只係個塊酥就淋左少少囉。貓山皇脆皮夾餅呢個！神級！推薦！上面個雪糕係好重榴槤味，但總係差緊少少野咁，欠個令口感更豐富的榴槤肉呀！無肉咬下總係唔實在，如今這個貓山皇脆皮夾餅就是徹徹底底的實在！有口感！夾餅皮凍而脆口，配埋啖啖雪凍了的檔槤果肉，好香好美味呀））））