Burger Kitchen (已結業)

大埔都有高質Burger天氣稍涼，最適宜户外活動，踏單車散步，低成本又健康，做完運動就去覓食。在超級城往前多走一段路，看到這家識價格相宜，份量看似十足的餐廳，成功吸引走到筋疲力竭的我們入內。法式芥末烤羊架伴薯菜薄荷汁 ($88) Lamb Rack (HKD88)羊架有兩大條，而且算厚身，配上芥末汁，味道香濃，而且未算燒得太老，口感不俗，配上脆口薯條。雖然沒有什麼大驚喜，但也真的不錯。大啡菇芝士牛肉漢堡 ($68) Portobello Beef Burger (HKD68)芝士味濃，煎至半融化，漢堡扒味道好，口感較鬆也有些許油感，整體肉質也不錯，肥瘦比例不俗，不會太硬，厚度適中；另外可以配薯條。整體份量夠，味道好，值得一食！另外還有兩款飲品。草莓沙冰 ($38) Strawberry Ice Berg (HKD38)沙冰不至太凍，略帶香味，甜甜地幾開胃。榛子朱古力奶昔 ($40) Nutella Milk Shake (HKD40)奶昔口感尚算奶滑，榛子也帶來了一陣幽香。以上各款質素均不俗，各有特色，路過大埔，實在值得一試呢！

今日黎大埔一日遊，特意黎依間食burger既小店。佢位置吾近市中心，要行過去大埔安慈路八號花園先會見到依間小店。當日係公眾假期，我去到既時候，門口已經有幾group人等緊，不過店舖比較細同窄，坐位都比較迫，所以我都等左大約20分鐘先入坐。如果趕時間的話就吾建議繁忙時段黎食喇。入到去，店員會比個menu你，不過我係等既時候已經諗好，咁就可以慳返時間即刻落單。依度嘅漢堡包有十幾款可以揀，我揀左大啡菇芝士牛肉漢堡($65)， 漢堡非常大份同足料，配菜都好多，分別有沙津菜、蕃茄、洋蔥等，多層口感好豐富，漢堡中間夾左一塊大啡菇，咬落好juice仲一d都吾乾，塊牛肉扒都好嫩口，每層之間既芝士醬亦好惹味，整體個麵包好鬆脆。如果嫌淨係食漢堡太dry，仲可以加$20轉薯條加飲品套餐添！

同朋友慶祝生日，試下新野先。我同朋友都點咗個burger set，分別係大隻佬漢堡加薯條，同埋大啡菇芝士牛肉漢堡加洋蔥圈。兩個burger 都超厚，要用刀叉先食到。牛肉好味，大啡菇好juicy。份量好足，兩個人都食到好飽好滿足！

連放三日假，就梗係搵一日出去試新野啦，今次近近地揀左大埔區。大埔區美食真係好多，重點係夠平民!! 星期日約朋友入黎試BURGER KITCHEN，但比我地發現隔離幾間店都有唔少人排隊，睇埋佢地D食物同餐牌都感興趣，MARK底下次黎試小店除左提供BURGER之外，仲有意粉同飯，唔駛怕食唔飽。呢度齋BURGER都有近20款選擇，雞、牛、素、海鮮，任君選擇。凍檸茶 (+$5) 凍櫻花LATTE (+$19)最近市面上推出左唔少櫻花味產品，雪糕、薯片、朱古力等，但一直無去試，今次既然要試新野，就一於揀佢啦。未試過食櫻花，所以唔知個味正唔正宗🤔，只可以講呢杯野奶味重D、唔會太甜、較淡既香味，不過粉紅色幾靚，幾有少女心洋蔥圈套餐 (+$25)洋蔥圈新鮮即炸即上枱，熱辣辣，非常辣手😋；中意佢外層炸得夠硬，食到尾都唔會變淋或散開哂，而且大部分都係大圈，分量超值😍薯條套餐 (+$20)粗薯條亦係即炸即上枱，都係辣手，但外層唔脆反而係微硬，估計只係炸左一次，之後無再反炸番D油出黎😣炸軟殼蟹漢堡 ($78) 朋友一打開個餐牌就比呢個漢堡張圖吸引左，二話不說就點佢；雖然呢款漢堡只有生菜、一片薄蕃茄同D汁，感覺

還記得大約半年前為慶祝朋友生日，於這間在觀塘起家的人氣漢堡包店Burger Kitchen享用晚餐，雖不至於令人失望而回但卻只覺平平無奇，絕不足以令人回味。半年後重臨Burger Kitchen，竟然令我喜出望外，質素大有提升。大啡菇芝士牛肉漢堡 ($65)麵包塗上牛油烘得底層微微酥脆可口，質感富空氣感亦份外鬆軟。大啡菇水份充沛，牛肉漢堡同樣鬆化多汁。水牛城辣雞翼 (+$22)漢堡升級套餐可配兩隻雞翼及飲品，因為我們並不嗜辣，店員貼心地提出可以幫忙將醬汁分開另上。雞翼皮脆肉嫩，水牛城醬辣中帶甜，相當惹味。芝士菠蘿烤雞漢堡配薯條 ($58+8)漢堡另外加配烤菠蘿，烤雞扒份量十足更延伸出漢堡之外，不過不夠嫩滑多汁，略微帶韌。午市套餐更會附上沙律或餐湯。抹茶奶昔 ($38) 特色飲品全部跟餐半價，上次品嚐過花生醬奶昔感覺超班，是次點了抹茶奶昔質感同樣細滑綿密，帶抹茶清香微甘，不過抹茶味可再大大加強。除了欣賞餐廳友善的待客之道，更加欣賞他們願意接受意見不斷改進、精益求精的精神。是次再訪絕對不枉此行，眼前一亮。