Bamboo Thai (朗豪坊)

营业中

休息中

留港消費，與好友相約到朗豪坊玩樂一番，午餐食泰國菜。泰式拼盤食得多，這個是近期食過最好食的。春卷長到似搖控器，兼且十分酥脆！雞串燒的雞肉仍嫩，沙嗲汁相當好味！大蝦米紙卷很大件，加些魚露是惹味的源頭。炸魚餅與墨魚餅皆勁香口，泰式香料味尤其突出！泰式虎蝦炒金邊粉的虎蝦雖然只有三粒，不過真的好大隻，而且爽彈得很。金邊粉炒得條條分明，不算過油，加上旁邊肥嘟嘟的泰國芽菜及辣粉，可口味美。火山排骨一出場，震撼程度即時獲得大讚，就連鄰桌的食客亦驚嘆不已！外表似是煲湯豬骨的排骨，竟是入味之至，純粹的肉感豐盈，蘸些鹹鹹辣辣的湯汁以及無數的芫荽，已令人食不停口，直中了小人的心！好友的Mocha拉花拉得不錯，咖啡跟奶之間取得適當的的平衡，濃淡得宜。椰青非常清新，食過濃味的食物之後來一口，超凡的感受！首遇火山排骨，驚豔不已，一定要記入單！

很久沒吃東南亞菜🍃✨這家的菜式有不少選擇，點了幾款的味道也不錯呢!😃//第一次吃牛肉撈檬🐮平時都是吃豬扒的😛雖然加了撈檬必備的甜酸汁，但味道都被牛肉本身的醬汁蓋過了😂吃下去很像乾炒牛河，但是好吃的～//近年的泰菜餐廳都多了這道火山排骨，也是第一次吃到🙊選了細的size來吃，但也有超多舊，而且肉很多!! 肉質不會太鞋，又很入味，必點呀🤩🙌🏼//另外點了大蝦米紙卷🦐這個很普通，蝦也很小；還有青咖喱雞配油酥餅🐔咖喱不會辣，奶香味較濃，雞肉也挺多，記住要配油酥餅吃呀😝😝//甜點揀了泰菜必備的芒果糯米飯，芒果不太甜，椰汁味也不濃，整體普通～反而椰子雪芭很有驚喜!!😍🥥超重椰味，而且有椰子脆脆，這個推🙌🏼🙌🏼

係出面已經見到佢門口貼左個大大張火山排骨既相係個廚師推介到，黎到Bamboo Thai緊係一定要食呢個招牌火山排骨🤩餐廳環境好舒服，晏就黎食仲有lunch menu抵啲。呢間泰菜啲質素都真係唔錯，嗌左既野食每一樣我地都好滿意👍  #eateateatin荃灣 #eateateatin屯門  #eateateatin旺角   1⃣️火山排骨（小）（$118）呢個完全係我黎呢度食既主要目的😍一黎到就覺得，真係冇令我失望！嗌細既都已經好大份啲排骨疊得好高！有四大件排骨，浸左係啲酸酸地既汁到，個汁到有啲青椒、青檸葉、蒜頭同埋芫荽，鋪滿曬係啲排骨到。  食既時候可以用鋪頭比既手套攞住黎食🤤沾滿曬啲汁黎食酸酸地好開胃！而且啲肉煮得得好淋，食既時候好容易同啲骨分開出黎，仲有少少軟骨位食落好正！  推薦呢個黎呢度一定要點！不過佢份量真係幾大，覺得如果2-4個人既話都嗌細就夠食la。  2⃣️雞肉蝦肉火車頭炒飯（$108）Lunch set有好多款揀，有湯河撈檬炒粉炒飯咖喱，甚至仲有impossible meat既菜式可以揀。呢款火車頭炒飯炒得夠乾身，入面啲蝦肉同雞肉份量唔少，好均勻咁分佈係個炒飯入面，唔會食左

話說，變咗一個旺角Foodie之後，都未好好咁食過一餐，難得有friend約食飯，今日就去試吓呢間泰國嘢🍤大蝦米紙卷 ($68)我朋友竟然未食過米紙卷，咁當然要叫佢俾佢食啦！蝦肉大大粒，加埋青瓜蘿蔔絲，點埋醬汁，酸酸甜甜又清新開胃🍤黃金蝦餅($72)炸蝦餅就梗係冇得輸啦！香噴噴，蝦肉又夠彈牙，咬落去啖啖肉🍖火山排骨($98)做得鎮店之寶，當然係正嘅！兩份大大嚿嘅排骨，搭起造成一座山，成幅山水畫咁，入口有驚喜，以為咁大份肉，一定會好油膩，點知佢嘅汁係酸酸地，解除左肉裡面本身嘅油膩，再加上肉質炆到好嫩口，差啲連骨都食埋🥰🍵香茅薑茶($42)薑茶可以驅寒，所以我平時都好鍾意飲，但係如果你怕薑嘅味道，咁就可以試吓呢個啦，因為香茅嘅味道都好重，減少左薑嘅辣味，飲落順口唔太刺激環境都坐得舒服嘅，比較現代嘅感覺

肺炎疫情直捲全球，旅遊業完全停擺，令多國經濟嚴重受創，即使香港人熱愛的泰國 日本台灣等地亦無一倖免。近日傳來曼谷一知名夜市結業的消息，讓我深感惋惜，所以是夜約了一位旅友一同前往朗豪坊緬懷一下昔日泰國的味道。Bamboo Thai 位於商場8樓戲院隔離，位置方便。餐廳為保障食客，每張檯均有設透明膠布分隔，讓食客可以安心進食。一入座就深深的被這個招牌火山排骨所吸引紅豆珍多冰(⭐⭐⭐⭐💢)首先上桌的是紅豆珍多冰。紅豆香甜可口，配上椰汁解辣一流。略嫌珍多冰裡綠色蒟蒻不夠彈牙。大蝦米紙捲(⭐⭐⭐⭐💢)大蝦米紙捲一份共四件，每件都有大蝦一隻，蔬菜新鮮，點上魚露十分開胃。火山排骨(⭐⭐⭐⭐⭐)我們點了一份小的火山排骨，但上桌一刻排骨山還是讓我們十分震撼。排骨用上豬脊椎骨，看似骨頭很多但內裡卻藏著鮮嫩多汁而份量不少的肉，而醬汁加入青辣椒 蔥和九層塔，又酸又辣讓人欲罷不能。餐廳十分貼心隨餐附上手套，讓我們可以放肆地大塊朵頤。泰式番茄海鮮湯檬(⭐⭐⭐⭐💢)來到食物金字塔中的澱粉質，我們選了泰式番茄海鮮湯檬。海鮮用料十足，除了有大蝦和魷魚，餐廳還加了份量十足的蟹肉，讓整道菜生色不少。若希望讓番茄湯加上一點辣

呢度始終都係方便就腳，同埋有一啲特色嘅食物，裝修更加舒服，三四知己一齊食或者一大班人都可以。始終東南亞菜從來都係我比較鍾意！每次我最鍾意就係一定會嗌馬拉盞炒通菜！佢嘅馬拉盞係有好大粒蝦乾㗎而且唔辣好香口！另外亦都係最喜愛嘅一定會係米紙卷，今次就揀咗大蝦米紙卷。米紙卷做得好清新，亦都有薄荷葉、羅勒葉、酸木瓜，令到你好開胃！今日試咗牛油雞翼好香脆！不過如果牛油味更加重就會好啲！我一個人可以食晒三樣嘢🤣原本想試吓佢嘅洛神花黑糖薑茶，但係因為太飽，所以放棄咗！

當朗豪坊其他餐廳都排緊隊, 見呢間泰國野🇹🇭冇乜人, 諗住可能有啲伏. 但落大雨+懶, 廢事再周圍搵地方食, 咁就試吓啦. 好彩都唔係好伏, 可能因為新野冇乜人識啫. 不過又稱唔上係好好味... 不過不失普普通通咁啦. 可以話係 似啲樓上cafe既質素, 唔似商場餐廳🙊個pad thai 同炒飯都OK嘅. 如果餐牌上有更多唔同嘅肉嘅配搭選擇會更加好. 米紙卷我影得衰啫, 味道係ok既.魚餅係有啲薑味夾雜, 我自己個個唔係咁鍾意啲野飲就都係正常... 千祈唔好有太大期望.