勝八居酒屋 (已結業)

經openrice訂枱有9折。Orion beer $58, 500ml, 淡淡，送炸池魚仔$78，细條，穴已前有得食，體形、份量、味道較優。牛油果三文魚卷$98，可接受，較細。雜錦天婦羅$116 ，件數少及細，無蕃薯，無珍珠菌，蝦彈，我不稀罕。Sake真澄300ml$148, 大支倒出，冷飲，岩塩同樣份量，價錢100内。燒飯團 $30，無個飯之處。帶子鵝肝卷$98，帶子鮮，鵝肝是俾心去嚼才食到味。和牛炒飯$108，以此價想食和牛，發夢啦，勝咗夠大碟乾爽，香而味適中不咸及濃。此處勝在有日本小店特色，细及逼。

約同事食飯,來左呢間日式餐廳TimeSquare附近，容易去，但要排隊乘電梯上樓餐廳唔大，暗暗的，同一般日式餐廳差不多，最近食左好多日式料理，有d悶，我只期待今次食物水準高，因為價錢都唔平。刺身併盤海膽好食過我上次食果間，味道夠濃，份量夠足，其他刺身都好厚身，好食。炒什菜，望落去碟大菜少，普通炒菜沒什麼特別，就係嫌太少。炒雞腎，又係感覺碟大菜少，不過雞腎係多既，而且厚肉juicy,咸度適宜牛油果軟殼蟹壽司卷 ，最近好多日式店都有牛油果配搭既壽司，牛油果既配搭真係冇得輸，牛油果香濃軟滑配軟殼蟹脆脆的，好食。不過都係嫌少，7個人都唔夠分囉。天婦羅賣相100分，味道也不俗，唔會好漏，唔會太多粉。清酒煮蜆，蜆肉大，唔會腥。我地仲叫左純米大吟釀，呢款酒味道清甜易入口，還有貼心服務，有冰水凍住酒，呢度還有好多款酒選擇。

之前去永光中心dinner發現剛剛開的日本餐廳好似幾好咁就約咗幾個frd去試下 坐低一陣餐廳職員就馬上幫我地用椅套套住件褸，十分細心！ 先點咗個剌身同海膽壽司試下，一上枱大廚好細心咁提醒我地先食壽司先因為紫菜會淋！淋咗唔好食 再一次細心嘅表現，值得再加分 刺身好新鮮呑拿魚腩入口即充滿油香再加上有少少根有咬口 牡丹蝦同海膽好creamy   之後更加忍唔住再叫多次海膽食！刺身食完巳經好期待佢熟食喇 銀雪魚燒到好滑個皮好香囗！我地幾個忍唔住好快就K.O咗喇！天婦羅味道就一般般啦！但蝦都好爽身！汁燒安格斯就真係要比個like佢喇！入口即溶！ 肥瘦分部平均！仲有個沙律一齊食！感覺即刻清新曬！一d都唔油膩！值得一讚！😍😍😍鵝肝飯好香鵝油香味！味道甜甜日本米仲好彈牙！正！但美中不足就係得一片鵝肝太少了。。。。。。 由於鵝肝飯太唔能夠滿足啦！我地追加咗份鵝肝多士！😜😜😜多士超脆加上軟綿綿咗鵝肝產生強烈嘅口感對比！加上有少少炸蒜同葱！增加咗味道的層次！牛腸鍋係大廚介紹個餐排係無的！天氣咁凍整返個鍋暖下先！☺️蘿白好 juices有少少辣辣地食完個身暖曬！食完飲想飲少少酒再傾計