J.S. FOODIES (港威商場)

营业中

休息中

每次係九龍塘行過此店都有人排隊，所以一直在我的bookmark list 上。今次，有朋友話我知最近係尖沙咀開咗間分店，約我一齊去食，有好嘢食，一定去啦😸 排咗30分鐘左右，終於有位啦👏🏻食咗鹹點先：1️⃣ 黑松露忌廉意粉 (HK$119)好多菇呀，意粉分量十足，多汁，不錯喔。2️⃣ 牛油果芝士漢堡 (HK$129)這個漢堡只係一般般，因為麵包一般，牛油果比較生，口感少了些奶油感，芝士不太半溶，牛肉是厚身嘅，不夠juicy。薯條多肉，連皮炸，但不太油膩，好味過個包🤭📌 點餐時可以要求店員將漢堡切開一半先上枱，這樣可以同朋友一齊食。食甜食啦：1️⃣ 奇蹟の開心果雜莓班戟 (HK$129) #期間限定淋上熱雜莓醬，棉花糖漸漸溶化，變出大大粒草莓🍓、雪糕和開心果奶油醬喎，好神奇呀😲！底下的2塊梳乎厘班戟好鬆軟，味道不錯喔😋整體甜品比鹹點出色，服務就麻麻。原以為店員一開始提議先把鹹點入單，我哋食緊鹹點時幫我哋入班戟因為要等20分鐘，這樣好似服務不錯吧？但10分鐘左右，班戟已經送上，我哋還在食緊鹹點，枱面細放不到，只好要求店員遲啲先再送上😓

『味道唔錯，有海景位就仲正』行開海港城見到有人排隊，諗諗都年幾冇食過啦，又排下隊先👯‍♀️◆Summary◇最後運氣唔好冇海景位坐🤭嘢食款式唔算太多，想揀新款 🥢番茄全蟹意粉 但係賣晒啦，見好多人要左🥢漢堡塔。整體味道同性價比都唔錯，算係難得嘅打卡同品質都兼顧到嘅cafe推介 🥢松葉蟹意粉 🥞奇蹟の開心果雜莓班戟 ☕️Mocha————————————————————1️⃣◆松葉蟹意粉◇HKD198松葉蟹份量俾得好慷慨啖啖蟹肉🦀加埋蟹膏就更加濃郁忌廉汁好creamy溝左蟹籽天使麵食落口感豐富左冇咁軟腍單一2️⃣◆煙肉蛋漢堡配粗薯 ◇HKD129好多肉汁拎起個包果陣要小心d😅煙肉煎得超香脆雞蛋就半溏心狀態如果牛肩肉煮得生少少應該會再juicy d3️⃣◆奇蹟の開心果雜莓班戟 ◇ HKD129震騰騰嘅梳乎厘班戟好治癒雜莓醬淋落棉花糖度望住佢融化夠晒gimmick👀班戟充滿空氣感☁️蛋味香得好立體而開心果味幾重同雜莓醬&雲呢拿雪糕極為相襯4️⃣◆Cafe Mocha ◇ HKD36朱古力味香濃飲落苦甜度都幾高意外地有驚喜