土司工坊 (荷里活廣場) (已結業)

睇戲前想食少少野墊底，想起吐司工房既咖央多士。進入店內先量體温然後自行揾位，再去排隊落單，點了牛油咖椰士司套餐及肉鬆厚土司套餐。牛油咖椰士司套餐 $38多士內塗滿厚厚咖椰醬及一片厚牛油，未食已充滿罪惡感，一啖咬落去脆卜卜，好香椰香味，同男友分享一件以減低罪惡感，套餐另配有煎蛋兩隻。肉鬆厚土司套餐 $38厚土司塗滿煉奶，上面勁多肉鬆，甜美煉奶同咸肉鬆咸咸甜配搭不錯，而且肉鬆份量超多，土司預先切成小塊，相當貼心方便進食。餐飲熱奶茶，香濃茶味，不過用煉奶略為太甜，下次叫少甜會比較好。

星期日早上１０１５食早餐，大失所望。奶茶是唯一較好的，師父用滾水先把杯暖和，又作拉茶工架，見到師父的用心，我要少甜，師父把練奶減半，奶茶溫度夠熱非常好，練奶減半令甜度適中，茶味卻單寡，故尤見茶膽的茶葉配搭比例略為遜色。雙蛋上檯只是微溫，明明即叫即做，不明為何放涼，奇怪的是蛋黃完全無蛋味。傳統咖吔，烤出來的麵包己放涼，2位阿姐工作節拍散漫，出餐混亂，牛油只是一舊怕在中間，麵包巳放涼，牛油既不可能均勻塗上，又失去原本應有的牛油味和咖吔味，結果是食「油」。$34如此一頓早餐，性價比奇低。