祥發茶餐小廚

营业中

休息中

每次黎到祥發，見到個餐牌都要諗好耐先揀到食咩野，單係自選餐，已經超過50個組合仲未包括炒粉麵同小菜小女子最愛嘅瑞士雞脾雞脾肉好滑，而且超淋，輕輕一咬已經骨肉分離好濃郁嘅瑞士汁味道配個即叫即製嘅奶醬班戟，爽口又帶少少和風嘅櫻花蝦豬頸肉公仔麵，完美嘅配搭飲埋紅豆冰都只係$4x,性價比超高喔而且上餐快，伙記有禮貌每月必食

之前一直想試呢間瑞士雞脾專門店超多選擇任你配搭有鹹有甜 有飯有麵 任君選擇不過有選擇困難症既我諗左好耐最後揀左A+B+E+熱飲($40)(A)瑞士雞脾幾大隻 上哂色 肉質尚算嫰滑瑞士汁都幾甜 不過可以再入味啲(B)特濃芝士汁吉列魚柳天使麵 話就話迷你版 其實份量都幾多魚柳都有四大塊天使麵偏軟芝士汁夠杰夠多夠濃作為芝士控既我收貨(E)奶醬班戟甜品留番最後食 所以攤到凍哂好大份 醬料好多口感偏實 唔夠鬆軟應該係粉既問題熱飲點左熱檸茶$40真係抵到爛個奶醬班戟食到一半已經好飽又咁多選擇 試問仲可以去邊度搵啲員工幾有禮貌 又會同客吹下兩咀 好好笑容雖然衞生情況扣左少少分不過勝在人情味搭救下次會再試其他配搭

此店以前位於銅鑼灣耀華街, 由於清拆重建要結業, 最後一搬再搬, 搬到現在北角. 假日的下午來到, 中午的時間店內已經坐滿客人, 要取票等候入座, 來此店的客人基本上必點瑞士餐, 此餐特色是你喜歡怎樣配搭也可以先黎瑞士汁雞脾, size正常, 瑞士汁味道適中, 雞肉肉質不算嫩滑, 切開雞脾, 瑞士汁未完全入晒雞脾內, 不過都夠味龍蝦汁未算太鮮味, 面層燒鰻魚有一小舊, 比較小, 餐肉炒蛋剛好蓋過飯面, 係滑蛋都幾惹味最後點了奶醬班戟為甜品, 上菜時熱辣辣, 甜品當然放到最後先食, 奶醬多到都溜出來, 班戟都好厚, 好飽滿有機會要試埋早餐/小菜, 呢到既選擇唔似出面茶餐咁沉悶, 菜式方面有配搭, 有創意環境方面, 餐廳內會比較狹窄, 衛生一般