影片
更多
2015-12-25
2910 浏览
11月10号晚食完肥滔嘅震撼價好味蛇蟹宴之後，第二朝已經馬上吹雞，早上只係打左兩個電話，講左噚晚食左啲乜東東，想訂番兩圍食下咁，諗住試下水温(睇睇反應)點知第二日佢地已經覆番嚟話13位確認出席，本來仲諗住問下自己親戚，睇下仲有冇人出席，馬上要笠水！大佬，如果再叫咁多人去，容乜易又好似上次Wilson兄咁，諗住訂一圍屋企人一齊食，變左六圍人食，所以後尾我只係再打多兩個電話俾兩個從小相識嘅朋友，兩個家庭一齊撐場，再加埋媽子、二妹同埋佢男友，已經湊夠兩圍。蛇宴日期敲定11月24号，兩圍需要俾訂金HK$1,500，可以入星展銀行或者親身繳交，由於上次嘅糯米飯同埋個手打麵都出左事，所以親身去九龍灣落訂，特別叫佢地注意一下果兩味菜，經理就話飯會叫廚房唔好浸咁耐啲米，麵就同我轉做乾燒伊麵。二十四号到，大概七點鐘到現場，𠵱！原來間左間大房過我地喎，坐得舒服啲，講野又大聲啲。睇下張菜單先，同上次嘅一模一樣，只係薑蔥撈手打麵，改左做乾燒伊麵。今日相熟朋友坐埋，相可以映靚啲多啲，以下篇幅主要係補充番一啲相片同埋短評一下每道菜係咪保持水準等等。清蒸大閘蟹公二十隻上回評語：蟹並唔係我特別喜歡嘅食材，自己點菜唔會
蛇宴日期敲定11月24号，兩圍需要俾訂金HK$1,500，可以入星展銀行或者親身繳交，由於上次嘅糯米飯同埋個手打麵都出左事，所以親身去九龍灣落訂，特別叫佢地注意一下果兩味菜，經理就話飯會叫廚房唔好浸咁耐啲米，麵就同我轉做乾燒伊麵。
二十四号到，大概七點鐘到現場，𠵱！原來間左間大房過我地喎，坐得舒服啲，講野又大聲啲。
睇下張菜單先，同上次嘅一模一樣，只係薑蔥撈手打麵，改左做乾燒伊麵。今日相熟朋友坐埋，相可以映靚啲多啲，以下篇幅主要係補充番一啲相片同埋短評一下每道菜係咪保持水準等等。清蒸大閘蟹公二十隻
66 浏览
0 赞好
0 留言
清蒸大閘蟹公二十四隻
87 浏览
0 赞好
0 留言
91 浏览
0 赞好
0 留言
56 浏览
0 赞好
0 留言
60 浏览
0 赞好
0 留言
蟹並唔係我特別喜歡嘅食材，自己點菜唔會叫，同埋以前食親蟹都會整損個嘴，所以自己好少點！呢個蟹賣相好靚，蟹身飽滿，金毛利抓，記得以前報紙介紹過話魚塘養嘅蟹毛色深啡同埋蟹抓較頓，如果佢地講法正確，咁呢隻一定係湖蟹！
先食抓，鮮甜！每隻蟹腳都好好肉，蟹嘅膏都飽滿甘香，配以薑絲陳醋同食，更有風味！
今回評語 :
保持上次水準，今匀食嘅呢水蟹，感覺上仲肥過上次，爆膏之餘，蟹腳都好好肉。
蛇絲手打鯪魚球
蛇絲手打鯪魚球
53 浏览
0 赞好
0 留言
35 浏览
0 赞好
0 留言
鯪魚球煙靱彈牙，鯪魚滑新鮮固然重要，打魚滑嘅手勢亦好重要，聽我媽子話一定同一方向攪拌魚肉，即順或者逆時針，如果唔係魚肉會非當鬆散，呢個魚肉師傅做得好出色！喺丸裏面嘅蛇絲好鮮味，但就有啲靱！
今回評語 :
保持上次水準，食評不變。
砂窩花膠絲燴蛇絲生翅
砂窩花膠絲燴蛇絲生翅
44 浏览
0 赞好
0 留言
52 浏览
0 赞好
0 留言
上回評語：
湯頭本身好濃，料足到不得了，每羹𢳂起都料頭十足，牙揀翅、、花膠都好足料，其他配料就木耳雞絲等等。呢幾年年年都食三兩次蛇羹，以呢個最足料好味！
今回評語 :
保持上次水準，仲要特別一讚佢地今次蛇羹份量多左，每人可以分倒成碗半！
福祿湯鮑魚扣鵝掌
福祿湯鮑魚扣鵝掌
55 浏览
0 赞好
0 留言
飽汁味道唔係好重，應該只係用左上湯同蠔油去做汁底，但味道都唔錯，鮑魚用左罐頭飽，每隻大過匙羹小小，煙靱黐牙，雖則話係罐頭，但質素幾高喎！唔似有啲產自紐西蘭大大隻嘅鮑魚咁，個心竟然嚡口嘅。鵝掌炆得好入味，之前應該先炸再揾八角桂皮等香料炆過。
今回評語 :
保持上次水準，鵝掌好似每人唔止一隻，我仲包左兩隻返屋企
頭抽乳豬拼五味雞
頭抽乳豬拼五味雞
120 浏览
0 赞好
0 留言
嘩！好大份量。隻雞連埋乳豬相信有成三斤肉擺响面前。
開頭以為係普通燒乳豬，點知原來係鹵水乳豬，皮同肥肉黐住分唔開，咁唯有成件啪入口啦，嘩！好食到呢，啲肥肉竟然一啲都唔膩，仲好爽脆，真係極品！席中食客個個都對佢讚不絶口！
雞非常鮮！頭抽配製嘅鹵水覆雜惹味，記得之前喺元朗大榮華食過呢個雞，雞味欠奉，同今晚食倒呢隻差天共地
今回評語 :
保持上次水準，今次嚟食嘅朋友都激讚呢個頭抽乳豬，肥嘅部份爽口彈牙，完全唔覺食緊肥肉，真正嘅肥而不膩！雞真係好鮮味，唔知點解好食過元朗大榮華咁多？
玉蘭炒肉眼根臘肉
玉蘭炒肉眼根臘肉
60 浏览
0 赞好
0 留言
35 浏览
0 赞好
0 留言
30 浏览
0 赞好
0 留言
上回評語：
又係大大碟，芥蘭估計有成斤，啲菜炒得好香，有落薑汁紹洒就梗嘅，但佢呢支炒菜紹興彫估計好靚，散發出嚟嘅彫香係我平時廚房用果支嘅幾倍，肉眼根係我最鍾意食豬兩個部份其中之一，聽豬肉佬講係其實炒同蒸都好好食，呢碟菜充份利用左肉眼根嘅鮮味同臘肉嘅咸香味，互相交織出一份豐富嘅味道！
今回評語：保持上次水準，同上次食嘅一樣咁正，肉眼筋好多。
臘味糯米飯
臘味糯米飯
63 浏览
0 赞好
0 留言
焾身到暈，入口𡁻兩啖即刻漿左，臘味又少左啲，糯米飯焾身已經扣左60分，冇乜臘味扣5分，碟野得番35分！
今回評語：
保持上次水準，真係差到無朋友，又焾又爛，同經理反映左都整得咁差，如果出年再來Encore，一定轉左個糯米飯佢！
乾燒伊麵
乾燒伊麵
33 浏览
0 赞好
0 留言
呢碟乾燒伊麵梗係好過上次碟薑蔥撈手打麵多多聲啦，伊麵入味而唔會太焾，但覺得油好似落多左少少，幾膩下咁！
奶黃馬拉糕
奶黃馬拉糕
74 浏览
1 赞好
0 留言
食左啖，即刻由地獄折返人間，呢個點心我响大榮華食過幾次都係水準之作，今次亦唔例外，奶黃味香糕鬆軟，但穩穩覺得今次食嘅有啲散感覺，不過我都覺得佢依然係一件好高水準嘅糕。
26 浏览
0 赞好
0 留言
呢個馬拉糕食味同上次一樣，但口感就更加優勝，上次畧嫌鬆散嘅感覺冇左，係一種好抽像好難形容嘅『結實鬆軟！』
紫薯沙酥角
紫薯沙酥角
38 浏览
0 赞好
0 留言
上回評語：外皮係鬆化酥皮，紫薯饀有番薯香味而唔太甜，好天然冇添加任何增味香精，需然咁做味道會淡左，但係勝在自然，整體而言味道中上。
今回評語：保持上次水準
花雕
上海老順泰彫
49 浏览
0 赞好
0 留言
上回評語：
係上海老順嘅泰雕，十年雕，需然唔係幾識欣賞黃酒，但佢入口醇厚甘甜，算係我係香港及江浙一帶飲過唔錯嘅花彫酒！
今回評語：保持上次水準。俾完酒席訂金後有段小插曲，趙姓經理打電話俾我話無哂啲十年雕，話換啲紅酒俾我，我就死都唔制，紅酒我地班人成日飲，但花雕就唔係成日飲，後來趙經理最後揾滔哥搞掂左，都算幾負責任！
總結： 唔使講多，下年再Encore！希望唔會加價囉！
张贴
