影片
更多
2015-12-25
2910 浏览
11月10号晚食完肥滔嘅震撼价好味蛇蟹宴之后，第二朝已经马上吹鸡，早上只系打左两个电话，讲左㖊晚食左啲乜东东，想订番两围食下咁，谂住试下水温(睇睇反应)点知第二日佢地已经覆番嚟话13位确认出席，本来仲谂住问下自己亲戚，睇下仲有冇人出席，马上要笠水！大佬，如果再叫咁多人去，容乜易又好似上次Wilson兄咁，谂住订一围屋企人一齐食，变左六围人食，所以后尾我只系再打多两个电话俾两个从小相识嘅朋友，两个家庭一齐撑场，再加埋妈子、二妹同埋佢男友，已经凑够两围。蛇宴日期敲定11月24号，两围需要俾订金HK$1,500，可以入星展银行或者亲身缴交，由于上次嘅糯米饭同埋个手打面都出左事，所以亲身去九龙湾落订，特别叫佢地注意一下果两味菜，经理就话饭会叫厨房唔好浸咁耐啲米，面就同我转做干烧伊面。二十四号到，大概七点钟到现场，𠵱！原来间左间大房过我地㖞，坐得舒服啲，讲野又大声啲。睇下张菜单先，同上次嘅一模一样，只系姜葱捞手打面，改左做干烧伊面。今日相熟朋友坐埋，相可以映靓啲多啲，以下篇幅主要系补充番一啲相片同埋短评一下每道菜系咪保持水准等等。清蒸大闸蟹公二十只上回评语：蟹并唔系我特别喜欢嘅食材，自己点菜唔会
蛇宴日期敲定11月24号，两围需要俾订金HK$1,500，可以入星展银行或者亲身缴交，由于上次嘅糯米饭同埋个手打面都出左事，所以亲身去九龙湾落订，特别叫佢地注意一下果两味菜，经理就话饭会叫厨房唔好浸咁耐啲米，面就同我转做干烧伊面。
二十四号到，大概七点钟到现场，𠵱！原来间左间大房过我地㖞，坐得舒服啲，讲野又大声啲。
睇下张菜单先，同上次嘅一模一样，只系姜葱捞手打面，改左做干烧伊面。今日相熟朋友坐埋，相可以映靓啲多啲，以下篇幅主要系补充番一啲相片同埋短评一下每道菜系咪保持水准等等。清蒸大闸蟹公二十只
66 浏览
0 赞好
0 留言
清蒸大闸蟹公二十四只
87 浏览
0 赞好
0 留言
91 浏览
0 赞好
0 留言
56 浏览
0 赞好
0 留言
60 浏览
0 赞好
0 留言
蟹并唔系我特别喜欢嘅食材，自己点菜唔会叫，同埋以前食亲蟹都会整损个嘴，所以自己好少点！呢个蟹卖相好靓，蟹身饱满，金毛利抓，记得以前报纸介绍过话鱼塘养嘅蟹毛色深啡同埋蟹抓较顿，如果佢地讲法正确，咁呢只一定系湖蟹！
先食抓，鲜甜！每只蟹脚都好好肉，蟹嘅膏都饱满甘香，配以姜丝陈醋同食，更有风味！
今回评语 :
保持上次水准，今匀食嘅呢水蟹，感觉上仲肥过上次，爆膏之余，蟹脚都好好肉。
蛇丝手打鲮鱼球
蛇丝手打鲮鱼球
53 浏览
0 赞好
0 留言
35 浏览
0 赞好
0 留言
鲮鱼球烟靱弹牙，鲮鱼滑新鲜固然重要，打鱼滑嘅手势亦好重要，听我妈子话一定同一方向搅拌鱼肉，即顺或者逆时针，如果唔系鱼肉会非当松散，呢个鱼肉师傅做得好出色！喺丸里面嘅蛇丝好鲜味，但就有啲靱！
今回评语 :
保持上次水准，食评不变。
砂窝花胶丝烩蛇丝生翅
砂窝花胶丝烩蛇丝生翅
44 浏览
0 赞好
0 留言
52 浏览
0 赞好
0 留言
上回评语：
汤头本身好浓，料足到不得了，每羹𢳂起都料头十足，牙拣翅、、花胶都好足料，其他配料就木耳鸡丝等等。呢几年年年都食三两次蛇羹，以呢个最足料好味！
今回评语 :
保持上次水准，仲要特别一赞佢地今次蛇羹份量多左，每人可以分倒成碗半！
福禄汤鲍鱼扣鹅掌
福禄汤鲍鱼扣鹅掌
55 浏览
0 赞好
0 留言
饱汁味道唔系好重，应该只系用左上汤同蚝油去做汁底，但味道都唔错，鲍鱼用左罐头饱，每只大过匙羹小小，烟靱黐牙，虽则话系罐头，但质素几高㖞！唔似有啲产自纽西兰大大只嘅鲍鱼咁，个心竟然嚡口嘅。鹅掌炆得好入味，之前应该先炸再揾八角桂皮等香料炆过。
今回评语 :
保持上次水准，鹅掌好似每人唔止一只，我仲包左两只返屋企
头抽乳猪拼五味鸡
头抽乳猪拼五味鸡
120 浏览
0 赞好
0 留言
哗！好大份量。只鸡连埋乳猪相信有成三斤肉摆响面前。
开头以为系普通烧乳猪，点知原来系卤水乳猪，皮同肥肉黐住分唔开，咁唯有成件啪入口啦，哗！好食到呢，啲肥肉竟然一啲都唔腻，仲好爽脆，真系极品！席中食客个个都对佢赞不绝口！
鸡非常鲜！头抽配制嘅卤水覆杂惹味，记得之前喺元朗大荣华食过呢个鸡，鸡味欠奉，同今晚食倒呢只差天共地
今回评语 :
保持上次水准，今次嚟食嘅朋友都激赞呢个头抽乳猪，肥嘅部份爽口弹牙，完全唔觉食紧肥肉，真正嘅肥而不腻！鸡真系好鲜味，唔知点解好食过元朗大荣华咁多？
玉兰炒肉眼根腊肉
玉兰炒肉眼根腊肉
60 浏览
0 赞好
0 留言
35 浏览
0 赞好
0 留言
30 浏览
0 赞好
0 留言
上回评语：
又系大大碟，芥兰估计有成斤，啲菜炒得好香，有落姜汁绍洒就梗嘅，但佢呢支炒菜绍兴雕估计好靓，散发出嚟嘅雕香系我平时厨房用果支嘅几倍，肉眼根系我最钟意食猪两个部份其中之一，听猪肉佬讲系其实炒同蒸都好好食，呢碟菜充份利用左肉眼根嘅鲜味同腊肉嘅咸香味，互相交织出一份丰富嘅味道！
今回评语：保持上次水准，同上次食嘅一样咁正，肉眼筋好多。
腊味糯米饭
腊味糯米饭
63 浏览
0 赞好
0 留言
焾身到晕，入口𡁻两啖即刻浆左，腊味又少左啲，糯米饭焾身已经扣左60分，冇乜腊味扣5分，碟野得番35分！
今回评语：
保持上次水准，真系差到无朋友，又焾又烂，同经理反映左都整得咁差，如果出年再来Encore，一定转左个糯米饭佢！
干烧伊面
干烧伊面
40 浏览
0 赞好
0 留言
呢碟干烧伊面梗系好过上次碟姜葱捞手打面多多声啦，伊面入味而唔会太焾，但觉得油好似落多左少少，几腻下咁！
奶黄马拉糕
奶黄马拉糕
74 浏览
1 赞好
0 留言
食左啖，即刻由地狱折返人间，呢个点心我响大荣华食过几次都系水准之作，今次亦唔例外，奶黄味香糕松软，但稳稳觉得今次食嘅有啲散感觉，不过我都觉得佢依然系一件好高水准嘅糕。
26 浏览
0 赞好
0 留言
呢个马拉糕食味同上次一样，但口感就更加优胜，上次畧嫌松散嘅感觉冇左，系一种好抽像好难形容嘅『结实松软！』
紫薯沙酥角
紫薯沙酥角
38 浏览
0 赞好
0 留言
上回评语：外皮系松化酥皮，紫薯饀有番薯香味而唔太甜，好天然冇添加任何增味香精，需然咁做味道会淡左，但系胜在自然，整体而言味道中上。
今回评语：保持上次水准
花雕
上海老顺泰雕
49 浏览
0 赞好
0 留言
上回评语：
系上海老顺嘅泰雕，十年雕，需然唔系几识欣赏黄酒，但佢入口醇厚甘甜，算系我系香港及江浙一带饮过唔错嘅花雕酒！
今回评语：保持上次水准。俾完酒席订金后有段小插曲，赵姓经理打电话俾我话无哂啲十年雕，话换啲红酒俾我，我就死都唔制，红酒我地班人成日饮，但花雕就唔系成日饮，后来赵经理最后揾滔哥搞掂左，都算几负责任！
总结： 唔使讲多，下年再Encore！希望唔会加价啰！
张贴
