Luna Kaffe

营业中

休息中

呢間位於旺角嘅 Luna Kaffe係一間主打價錢貼地親民嘅西餐廳！今次終於有機會來朝聖，食下傳說中100蚊有找嘅威靈頓牛柳～威靈頓牛柳💰HK$98威靈頓牛柳叫咗五成熟，中間色澤粉嫩，用鐵板上可以維持住熱辣辣嘅溫度！外層嘅酥皮香脆，牛柳味道濃郁～白布烏冬配咖哩吉列豬扒💰HK$88咖哩吉列豬扒外層脆卜卜，內裡肉質唔會柴，配搭旁邊嘅醬汁更滋味！白布烏冬雖然係凍食，但溫度剛剛好，帶有微涼感，而且厚薄適中，口感Q彈～脆香雞鎚💰HK$38外層酥脆可口，雞鎚肉嫩滑多汁～蒜香牛柳粒💰HK$38牛柳粒每一啖都充滿住肉汁，仲帶有濃郁嘅蒜蓉香味添～✨是日餐湯忌廉味濃郁，而且仲有粒粒蜆肉～✨熱檸蜜暖笠笠又滋潤，冬天飲就啱哂啦～

食物幾高質 不過要過300先可以用卡俾 埋單嗰吓先知

不用HK$100竟然可以食到威靈頓牛柳，而且熱辣辣鐵板上!?旺角女人街Luna Kaffe以超親民價錢，提供品質合理鐵板牛排餐。每日晚市都人氣爆滿，非常誇張!! 🤑🥩- 威靈頓牛柳 HK$98 🥧🥩每台必點鐵板威靈頓!!牛排非常厚實。酥皮酥脆又充滿牛油香氣，完美地襯托出牛柳口感。牛柳肉質柔軟，色澤粉嫩，肉味香濃，絕對物超所值!!- 紐西蘭穀飼肉眼伴燒汁 HK$148 🥩香濃肉香!!肉眼扒的厚度合理，肉味香濃，可惜油脂稍嫌不足。- 香辣魷魚 HK$38 🌶️🦑鮮辣香口!!魷魚圈肉而柔軟，充滿鮮味。加入辣油煎香，表面微微焦香，超惹味!!- 焦糖燉蛋 HK$28 🍮親民價甜品!!燉蛋綿密香濃，雲呢拿的香氣迷人。可惜焦糖稍微過厚，整體味道都算不錯。

今次黎到旺角新開既西餐廳食晚飯，未到夜晚7點，但餐廳已經差唔多滿座了🍴發現原來呢間餐廳唔洗$100就食到威靈頓牛扒，即刻叫一份試試，真係出乎意料，呢個價錢竟然可以食到咁好既質素👍🏻我叫咗7成熟既牛柳大大件，牛柳又大又厚🥩充滿牛肉嘅香氣🐮 外層酥皮更是香脆可口,而且酥皮與牛肉之間更有濃郁嘅菇汁烹調🥘 牛肉唔會煮到好乾，反而好嫩滑多汁😋非常好食，下次有機會一定會再黎幫襯呢間餐廳

威靈頓有點過熟 漢堡好食

睇見食友嘅貼文，竟然唔使「一嚿水」就食到威靈頓牛柳，喺真唔喺呀？真喺好好奇咩質素喎！所以，都趁好耐未同夏總食過飯，就約佢出嚟聚一聚，兩個佬講下波經、又講下旅行嘢。「通菜街」（女人街）兩旁小販檔後就有好多餐廳，大多數都喺屬於小店形式經營，好似今次嚟到嘅「Luna Kaffe」鋪面唔大，但入面都幾深長，兩邊仿磚牆，天花掛上大大個波燈，裝修簡約。翻一翻餐牌，食物嘅選擇有漢堡、意大利麵、意大利飯、鐵板、沙律、咖喱同薄餅，所有主食已包括餐湯及餐飲，餐飲有升級優惠，又有加配小食優惠，而飲品方面，除咗基本嘅港式嘢飲之外，仲有幾款沙冰。食物嘅定價真喺好相宜吓，貫徹返通菜街喺走平民路線嘅聚腳點。是日餐湯是日餐湯喺蟹柳忌廉湯，客人可以加$20轉為酥皮湯，不過，我哋就簡簡單單飲返基本嘅餐湯就可以喇。質感較為挺身，忌廉味重，裡面有少少蟹柳，喺幾港式嘅做法。炭燒美國牛仔骨伴黑椒汁 $128鐵板餐有多種牛肉類嘅選擇，老友就話好少食牛仔骨，今晚一於試返吓。「鐵板」嚟到滋滋聲響，聽聲都感覺到熱力逼人，一客有兩大件牛仔骨，非常夠份量，仲配咗好幾類型蔬菜，並伴上惹味嘅黑椒汁。佢就話啲牛仔骨好有肉味，而且比預期軟腍好食，百