M3 Italian (已結業)

.好耐無寫過食評。今次黎到大圍搵食，食既係意大利菜。因為有幾個朋友都推介依間餐廳，所以我去試下。.餐廳都幾寬敞，無訂座既我去到都有位，不過我覺得個服務員既態度有待改善。.叫左依個魷魚墨汁意大利飯，個賣相幾吸引。其實我一直唔知點形容墨汁既味道，個人覺得係食個賣相多過食個味道。魷魚係新鮮既，彈口又唔會韌。意大利飯都煮得適中，夠汁同唔會太硬。..叫左安格斯肉眼扒，9安士既，牛扒唔係厚身，不過好大塊。今次叫左五成熟，可以見到煎既坑紋好靚，煎到岩岩好，牛味係有既，不過塊排既質素就差左啲，咬落比較多根，令到牛扒比較韌。..最後介紹嘅一道菜係佢餐廳推介嘅主菜，叫做黑松露雜菌鮮蝦帶子意粉。.黑松露味係有既不過唔濃，啲帶子係新鮮，蝦咬落彈牙，不過我覺得材料細粒左少少。意粉煮得唔錯，夠汁又唔會煮到好淋。如果以依個價錢黎食，我覺得都算幾好。

大圍多好西食就大家都知 不過我自己好少機會過黎呢邊 但住喺呢邊既朋友知我中意食西餐就推介咗M3 放學之後過黎食夠順路fit晒啊餐廳裝修非常有格調 環境又舒適喎 呢一方面已經大大加分都有幾多唔同既選擇我同朋友既選擇困難症又出晒黎🤦🏿‍♀️主菜朋友揀咗黑松露野菌燒海蝦帶子意粉一上菜就已經聞到黑松露香 食落口就更加唔洗講係超濃味啊勁幸福而且非常足料 海蝦同帶子都夠晒大隻同大粒 成道菜係非常之夾 好好味啊☺️食肉獸梗係唔會錯過食肉嘅機會啦 揀咗安格斯肉眼扒我地嗌咗五分熟 肉質真係夠晒嫩滑啊 而且係真係有好重既牛味非常滿足之後仲嗌咗意式辣肉腸薄餅但佢唔會只得辣肉腸 仲有好多既配菜例如洋蔥、菠蘿、野菌、黑橄欖令到成個pizza唔會淨係得肉咁齋 但依然非常惹味 仲要個餅底夠晒脆 正啊！