ENSŌ

营业中

休息中

西環海旁日式串燒居酒屋環境好chill，簡約日本風坐吧枱可以望到海景有機會黃昏時分黎睇埋日落 每款串燒都係即叫即燒夠哂熱辣辣～|午市套餐|◽宮崎豬軟骨烏冬套餐漬物係醃牛蒡爽口但有點鹹烏冬夠煙韌，好有咬口豬軟骨都夠軟稔味道不錯 ◽自家製免治雞肉棒🍖雞肉棒口感紥實，燒得夠香口中間仲有軟骨，好有口感加埋日本雞蛋同豉油好濃嘅蛋香，雞肉更嫩滑大滿足～ ◽赤雞雞翼雞翼好香鹽燒味，燒到金黃色脆卜卜 ◽牛舌厚切牛舌，口感軟韌肉質超嫩，要來多串 ◽鵪鶉蛋燒得非常香脆 ◽明太子燒飯團🍙好香脆嘅飯團，有飯焦但明太子味比較淡中間多返少少明太子會更好 ◽柑桔檸檬梳打/ 熱情果梳打柑桔同熱情果味夠濃跟梳打水好夾夏日飲好爽

高質日式午市套餐！喺堅尼地城海旁附近見到有間日式餐廳，坐吧枱嘅話可以望到廚房入邊煮嘢食，亦都可以望到海景。有得食景又食到高質素嘅食物，而且幫襯第二個午市套餐半價，推介！我六月尾同八月頭都幫襯過，餐廳會定期轉下Menu，幾有新鮮感，午市套餐包漬物、麵豉湯、沙律、果汁或茶同甜品，非常豐富。因為即叫即煮嘅關係，兩次幫襯上菜嘅速度都要大概十幾二十分鐘，趕時間食飯嘅就唔好揀呢間餐廳。如果有時間慢慢食飯，呢度都係一個唔錯嘅選擇。宮崎黑豚肉烏冬$138- 漬物係醃牛蒡，口感爽口，味道偏鹹，夾埋烏冬一齊食比較好。烏冬煙韌，係讚岐烏冬，有咬口嘅。最令我印象深刻嘅係黑豚肉片，首先份量非常多，而且味道食到炭燒嘅香氣，推介！日本漢堡扒定食$168- 漢堡扒都好味道，外脆內軟，入面充滿肉汁，油分充足，一啲都唔柴，不過如果分量加多一個漢堡扒就更加好。甜品係雲呢拿雪糕，冰感較重，睇到入邊有好多雲呢拿籽。宮崎豬軟骨烏冬$138- 今次呢個烏冬比起上次黑豚肉烏冬遜色少少，一來今次湯底偏鹹，二來豬軟骨普通啲，同平時食嘅差唔多。漬物有驚喜，係生蒜頭粒粒配上類似五香肉丁醬嘅醃料，食落去冇蒜頭嘅味道，口感非常爽口，有趣。日式唐