更多
2017-11-06
1808 浏览
打邊爐就打得多,烤魚都係最近先嘗試,老實講以前就完全唔食魚,細個啃過魚骨之後驚驚(每個人都有這樣的陰影吧…哈哈),一直都唔鐘意食魚,到咁大個人都唔係好識吐骨,亦都怕麻煩,但有一次喺屋企附近嘅烤魚店,食過之後,就愛上呢個味道,期後我都成日相約朋友食烤魚。比起雞煲,我更愛魚了,因為嗰種香辣嘅味道係好唔同的。其實成日都想北上食,不過朋友中唔係個個都食到辣野,怕去到唔啱食。呢幾日涼涼地,又癮起,一行三人黎到天后呢邊嘅烤魚店試試。餐廳門面亮眼,牆上畫左好搶眼兼可愛嘅壁畫,有個貓廚師烤緊魚,側邊有好多海鮮、串燒等,幾有心思,同時又話左俾你知,【十二味】到底係邊12樣野,包括八角、草果、花椒、紅辣椒、丁香、山奈、桂皮、茴香、燈籠椒、肉蔻、香果等等。週日晚上時間,客人頗多,餐廳位置唔算多,好在預約左位置,估唔到受歡迎,特別在場有唔少國內人,可能想念家鄉嘅味道吧,事後我喺點評網見到呢個烤魚嘅評語都唔錯,難怪餐廳裝潢新式,位置唔算多,有大部分係卡座,不過座位唔算闊落,如果身型肥少少,要坐四人會有點勉強,所以佢都有其他非卡位。比起之前去過嘅烤魚店,十二味明顯係比較乾淨企理,不過燈光偏藍,影嘅相色調會有點奇怪
餐廳門面亮眼,牆上畫左好搶眼兼可愛嘅壁畫,有個貓廚師烤緊魚,側邊有好多海鮮、串燒等,幾有心思,同時又話左俾你知,【十二味】到底係邊12樣野,包括八角、草果、花椒、紅辣椒、丁香、山奈、桂皮、茴香、燈籠椒、肉蔻、香果等等。週日晚上時間,客人頗多,餐廳位置唔算多,好在預約左位置,估唔到受歡迎,特別在場有唔少國內人,可能想念家鄉嘅味道吧,事後我喺點評網見到呢個烤魚嘅評語都唔錯,難怪
餐廳裝潢新式,位置唔算多,有大部分係卡座,不過座位唔算闊落,如果身型肥少少,要坐四人會有點勉強,所以佢都有其他非卡位。
比起之前去過嘅烤魚店,十二味明顯係比較乾淨企理,不過燈光偏藍,影嘅相色調會有點奇怪。
餐牌選擇豐富,當然唔少得有烤魚、輔菜,仲有燒烤、涼菜、小炒、甜品等,價錢中上,份量唔算多,我地人均接近三百,都算食得幾飽。
烤江團魚 $318/條
烤魚方面,共有四款魚可選,分別有吳郭魚、清江魚、江團魚、桂花魚,定價$258-$348,比起我過往食嘅烤魚來得貴。餐牌就寫住約有3磅/條,因為我地唔太熟悉邊款魚較好,較少骨,所以請教過店員,咁佢話江團魚係冇鱗魚,基本上好少骨,可以試下,於是我地就聽佢提議。
江團魚實際就應該冇三磅喇,因為唔算好大條,但三個人夠食有餘,始終都會點其他輔菜繼續打邊爐。
$318
49 浏览
0 赞好
0 留言
條魚雖然唔算好大條,但幾厚肉肥美,而且學店員話齋,並無細碎魚骨,食得放心。魚肉亦都幾嫩滑
味道方面可以揀蒜香/香辣/酸菜/麻辣/青椒/醬香/豆豉,我地揀左香辣小辣,容易入口,雖然有好多紅椒,但都唔會太辣,裡面亦有少量花椒,但唔會好麻。當然啦,食得辣梗係要揀辣啲或者麻辣啦,夠刺激。不過鍋中並無其他基本配料,全部要自己點的,性價比唔高。
$318
25 浏览
0 赞好
0 留言
配料方面有牛、豬、腦花、餐肉、鴨血、魚片頭等葷菜,另外唔少得素菜,例如木耳、海帶、土豆、芽菜等,價錢唔算貴,但相對份量唔多。
手切牛脊肉 $168
牛脊肉嘅質素中規中矩,因為唔算貴,肥瘦平均,比較薄身,輕輕淥一陣食得,相對牛味一般,口感較鞋,唔夠腍身。
$168
11 浏览
0 赞好
0 留言
炸響鈴 $28、黃豆芽 $22、娃娃菜 $22、寬粉 $22
另外我地點左四款配烤魚一流嘅配菜,同樣都非常吸汁,沾滿湯底嘅香辣,非常惹味。寬粉淥完煙煙韌韌,鐘意食煙韌野不能錯過
$28
9 浏览
0 赞好
0 留言
$22
13 浏览
0 赞好
0 留言
$22
24 浏览
0 赞好
0 留言
$22
24 浏览
0 赞好
0 留言
平時我地都有北上食串燒,當然喺香港食點都貴一截,不過點少少過下口癮都不錯,呢度嘅燒烤幾有國內風味,多孜然粉
燒烤有豬蹄、生蠔、羊肉串、茄子、豆乾等,本來都想食燒生蠔,平過$188/6隻貴左少少,最終點左茄子同雞軟骨淺嚐。
巴蜀烤茄子 $38
茄子製作需時,接近食哂所有野先上枱,茄子烤得幾靚,唔會燶哂,亦都唔會未熟,輕輕一夾起食得,茄肉又香又腍,孜然粉適中,唔會太鹹。
不過香港食到嘅烤茄子通常都比較瘦(少肉),呢條又瘦又長~
$38
18 浏览
1 赞好
0 留言
烤雞軟骨 $48/3串
雞軟骨一份三串,性價比較低,有一串仲得四粒,哈哈。
燒得都還可以,唔會太油,而且都幾脆,如果加少少辣粉正啲。
$48
20 浏览
0 赞好
0 留言
花味冰粉 $28
見到有冰粉不能錯過啊,上次喺中環一家四川麵店試過,覺得好好食,又解辣。
呢度嘅都ok,裡面加有桂花,所以食落清清地,冰粉凍冰冰,食完辣野之後食係好舒服,只係略嫌糖漿多左少少,甜左啲。
$28
8 浏览
0 赞好
0 留言
$28
19 浏览
0 赞好
0 留言
洛神花茶 $26、烏龍茶 $15/罐、汽水 $12
餐牌:
张贴