炻板燒 (已搬遷) 新店位置

本打算食牛角但因為去到好多我地重傻間間甘等到成7點幾服務員都話九點收工 未必食到90分鐘於是 我地都轉場了炻板燒 之前都有朋友介紹過 甘我地都去試吓了因為舖面太細 行過左我地都唔知 其實就係海南雞隔離入到去staff會叫你消毒手先 探體溫既 之後就有得入去坐了staff會拎menu過黎 我地睇左一陣佢就問我地係唔係第一次食 之後佢就會介紹d肉食咩係最好食我就同staff講想食燒肉 佢就續一介紹架啦日本和牛 好好食入口係化 脂肪比較多 好似食緊綿花甘 放係口到就溶 唔洗點咬 而且脂肪平均 肉質新鮮 滿口充滿油香味神級蛋飯 蛋好多 好多蛋汁 但蛋既味道不濃 而且好飽肚 飯裏有牛肉粒 但我覺得一般無咩特別烏冬都是一般 只係比較彈牙既烏冬封門柳肉質煙韌 而且佢既肉汁比較多 好有口感同濃牛味 燒一陣就食得 有咬口 加d鹽一齊食 牛味更突出 佢唔似牛和甘 和牛食幾片就感覺膩 但封門牛就真係食肉甘 會有食到飽既感覺 小食我揀左鹽燒三文魚腩 同追加封門牛我覺得鹽燒三文魚腩 鹽無咩 感覺有小小腥但都有三文魚味 啖啖都係肉 落翻檸檬汁調一調味最後食完甘濃既牛 口腔一定會覺得油 所以來一杯 凍檸檬茶 走甜

今次介紹尼間日本鐵板燒餐廳，除咗食平時食開既吉列牛小排之外，仲有日本和牛、牛小排和板燒封門柳可以選擇。如果唔食牛🐮既朋友，放心你地仲有其他選擇例如咖哩、鰻魚、芝士丼飯和稻庭烏冬等🌟提提大家近排有孖住食第2份半價優惠，唔需要兩份都一樣架！半價優惠會按照價錢較平嗰份。一睇就知係黃店啦💛💛✨全日板燒牛小排($168原價）套餐包括牛小排、麵豉湯、白飯和飲品。牛小排油脂、紋路非常豐富，肉質柔嫩鮮甜，而且筋膜少，食落唔算太韌，可惜牛味唔太出，有D失望。✨全日板燒板燒封門柳($188原價）套餐包括板燒封門柳、麵豉湯、白飯和飲品。封門柳為牛橫隔膜肌肉，每隻牛只有一條，較為罕有。食落入口軟腍，又有口感，而且肉味較重，油花相對較少，，兩款比較下真係差得幾遠😂

屯門少有既日式鐵板燒餐廳，價錢唔算貴，物超所值。餐廳貼滿抗爭海報，天花板垂掛左好多打氣願望牌。全日鐵板燒套餐有多款牛既部位可以選擇，例如封門柳、和牛、牛小排、吉列牛板腱等。除左鐵板燒，亦有其他小食、芝士丼、咖哩丼、鰻魚丼，及稻庭烏冬。叫左板燒封門柳套餐($188)，包括有封門柳、麵豉湯、白飯及飲品，椒鹽蟹子軟殼蟹($78)。封門柳非常厚身，因為係牛既橫隔膜肌肉，所以油花比其他部位少，肉味更淳厚濃郁。店員先以牛脂肪抹勻鐵板爐，之後就可以自己燒肉。爐溫充足，一放上肉片就滋滋作響，每面燒幾秒，已經聞到肉香，趁未完全熟透時立即品嚐，質感比較腍，彷彿入口即溶。將肉片沾點餐廳自製既醬汁，帶點甜甜既味道，別有一番風味，亦可搭配白飯，入面混入左芝麻及紫菜，特別香口。麵豉湯用料豐富，加入左大量昆布，味道適宜。兩隻軟殼蟹炸得極之鬆脆，外層蘸上大量蟹子，有咬口之餘，亦減去油膩感。椒鹽味唔會太嗆，襯托出蟹肉獨有既味道。中間竟然仲有蟹膏，非常滋味。整體，難得可以食到豐富既燒肉套餐。肉質好，油脂香濃，而且做緊優惠。

今日去屯門試新野.間舖唔係好多張枱得5-6張枱左右，但因為早去所以唔使等咁滯.入到去見到第二個套餐半價，所以就叫左2個套餐，再叫左d小食.套餐有白飯，味噌湯同埋野飲.1. 封門柳係店員推薦食既，佢話一隻牛得一條咁講，所以就叫左呢個set.個樣都ok ge..不過最意想不到既係佢濃肉香，又唔肥！如果唔想食咁肥既人呢個都幾好食!2. 鐵板和牛，呢個可能我最欣賞，因為我喜歡食油香既牛，小店黎講我覺得都幾唔錯！但係睇返d相就感覺個碟唔係塊塊都咁靚！但食個時都係覺得幾好食.本來想再追加，但係我地仲叫左其他小食，怕食唔曬，所以就打消呢個念頭。小食叫左清酒蜆，炒雜菜，芝士玉子燒.清酒蜆我覺得都幾好食，蜆食落口係甜甜地無沙，咁我都覺得唔錯！其實個2樣就無咩特別，一般水平.芝士玉子反而無咩芝士味，但整體CP值幾高！下次都再幫襯.