小神燈新派飯館 (已結業)

小神燈新派飯館💡@lanterngarden.jr有別於一般嘅酒樓，以老香港風格為設計主題📟 戲院燈箱打卡位以二次創作嘅港產電影劇集 meme為海報menu，配上戲院嘅配色、懷舊小燈泡💡同綠白階磚，甚至大排檔嘅木枱摺櫈🪑同復古大花圖案嘅水壺🌺 充滿潮流玩味感，香港人實有共鳴🇭🇰精采一人前🕺🏼最抵食一定係只限weekdays午餐時段供應嘅一人套餐🗓️ 免茶錢加一，一個價錢$68，前菜，點心，主食同甜品4樣各選一🍀椒鹽烏賊裙邊｜脆皮燒腩仔☄️兩款前菜都揀咗炸物🔥 椒鹽鮮食得多，烏賊裙邊嘅口感更彈牙🦑 加埋粒粒炸蒜，金黃惹味🧄 燒腩仔層皮脆卜卜，瘦肉脂肪比例平均，油香十足🥓蟹籽燒賣皇｜流沙奶黃包🌕最貴嘅蝦餃都有得揀架🤑 但一粒實唔夠，所以直接嗌咗一籠🤣小神燈蝦餃🦐雪山焗叉燒包🗻散叫嘅兩款點心就要收返加一服務費🫢瑤柱蛋白炒飯｜頭抽黑豚肉炒河粉🍛主食炒飯炒麵份量好足，又夠鑊氣，熱辣辣上枱🧨 河粉同飯粒分明，頭抽炒河個醬汁仲甜甜地，色澤均匀🟫焦糖西米焗布甸｜3.6牛乳布甸🍮講到懷舊，除左裝修之外，點少得買少見少嘅懷舊甜品 - 西米焗布甸，西米煮得晶凝又分明，啖啖奶香🍼

一入到嚟就望到呢度係一個充滿住香港懷舊色彩嘅餐廳入邊有好多霓虹燈，好大嘅燈牌，充滿着幾十年前嘅香港韻味（＾∇＾）另外亦都聽到佢有播啲懷舊香港流行曲，而且仲有播張敬軒嘅百年樹木!💜 懷舊瑤柱灌湯餃🥢 💰$36成個灌湯餃主要嘅材料滿滿的蝦蓉，另外，亦都有蝦，冬菇，蟹柳，少少韭黃，食得出佢有將啲蝦剁成容，亦都有幾粒原粒蝦🦐成個灌湯餃嘅用料都好豐富😎👍💜馬蘇里拉芝士磨菇菠蘿包🥢 💰$33平時酒樓嘅菠蘿包，通常都會係叉燒包嘅餡料，估唔到今次竟然用咗芝士同蘑菇露餡！食落口除咗有菠蘿皮嘅香味之外，亦都會有好重嘅蘑菇味，鍾意食蘑菇嘅人，可以叫依個過嚟試吓💜焦糖西米焗布甸🥢 💰$25食落幾香蛋同西米味，而且幾滑身，上層加咗層焦糖所以會脆脆地咁，而且中間仲有香芋增添口感，有少少食緊蓮蓉包餡嘅感覺(#^.^#)💜濃湯野菌浸菜遠🥢 💰$38成個菜遠係用左菜心，有用濃湯去浸，食落比較嫩，而且上面竟然仲有唔少茶樹菇、冬菇去調味，韭菜絲、蘿蔔絲等等🙈💜小神燈蝦餃🥢 💰$33食一啖發現個餡入邊全部都係蝦滑，完全冇肥豬肉，皮薄餡靚，而且大大粒，食落去好有滿足感( ´▽｀)簡簡下餐，突然間見到竟然有$68一人前套餐!!!