逸東軒

片皮雞好抵食！食雞都要食雞皮～片皮雞的雞皮酥脆，e種酥脆的口感給人一種令人愉悅的食用體驗。同皮片鴨類似，但又帶一點新鮮感。咬落去除左皮仲帶少少雞肉，有好重既香料味但好好食。雞肉有濃郁的香味亦保留左了雞肉的風味。另外，搭配葱絲、醬油等配料一起食用可以進一步豐富片皮雞的層次感，增添了鮮香和濃郁的醬汁。二食選擇左生菜包雞肉，都唔差。總體來講，咁多個item 得最中意片皮雞而小食我就推薦小籠包同奶黃酥奶黃酥以奶黃為內餡，亦算係傳統中式點心但比較少係其他地方食到，具有濃郁的奶香味道，帶有甜味和柔滑。

久仰星級中菜館嘅大名，今日終於同屋企人嚟到『逸東軒』午饍位置係地庫，問一問餐廳前台先知邊度搭𨋢。餐廳係傳統中式裝潢，枱與枱之間空間十足。帶子燒賣好多人推介嘅點心，大大粒帶子，味道鮮甜，用料足唔錯👍🏻叉燒香芹芝麻蝦筒正常水平，不過不失小籠包內餡湯量算多，但外皮易穿，全部都漏湯了。還好本身用湯匙裝住，可以飲返啲湯。第一次食片皮雞，外皮燒得香脆，雞肉唔會太肥，亦唔鞋口。二食揀左雞崧炒飯，唔太覺有太多雞肉，但炒飯粒粒分明，香口味道足。七味鹽燒羊鞍明明同中菜冇乜關係，但係係最好味嘅一道菜😂 羊鞍煮得比較淋身，厚度剛好，調味出色，鹹香惹味，充分嘅羊騷味，恰如其分。甜品叫左招牌菜之一嘅香芒糯米卷皮薄煙韌，果肉鮮甜，的確值得一嘗。總括而言，係愉快嘅用餐體驗，環境舒適，食物中上水平。不過價錢都係中上。平日有點心特價時段，性價比會高一點。

點心有折扣，即刻唧啲時間黎book位去飲茶。記住早啲book位，真係好full㗎。準時黎到，坐得舒適，準備大食喜愛點心啦四個人食左十幾個點心，會唔會太誇張呢其中特別鍾意以下幾款:~ 原隻鮑魚雞粒酥: 一上枱就吸引左注目眼光， 酥皮撻鬆化，正~ 黃金脆豆腐: 外脆內滑，豆腐直頭好似自己滑入喉嚨咁，好味~ 脆皮叉燒餐包: 脆皮鬆化，叉燒餡料夠多夠味，唔似空氣麵包~ 蒜蓉鮮蝦春捲: 1碟份量足夠，蝦肉彈牙， 炸得香脆，放得耐都唔會油淋淋~ 蒜泥茄子: 呢個前菜有驚喜，個涼拌汁酸甜適中，開胃個個都食得好飽呀，值得安哥食多次， 要唧下時間先得

想試逸東軒好耐，難得成功訂位，同屋企人請半日假都嚟食。訂左當日2:30pm，入座前都知4:00pm要還枱。餐廳內部裝潢精細有品味，並非一般酒樓格局，枱上的茶壺杯具都用心配襯，突顯風格。話明係點心下午茶，我地就主力試唔同點心既。最好味我認為係流心奶黃酥，忍唔住前後叫了２碟。叉燒腸粉都唔錯，另外鮮嫩唔「鞋」口的牛肉球都係有驚喜，不過食得太快所以影唔切相壓軸嗌左兩道貴菜，係屋企長輩指明要試，雖然稍貴，但係味道絕對值回票價。ＸＯ醬牛筋腩非常腍甜又咬口，調味亦好夠唔會過咸。荷葉飯香味四溢，份量十足，一行６人都食到半碗以上。６人用餐埋單大概1500元，我覺得非常值得，有機會想試埋佢既晚食呢

已知這間餐廳是很難訂枱，好多時要兩個禮拜前訂枱，咁啱餐廳節看到這餐廳有得訂，便試試，又比我訂到枱，真係好驚喜。用$198的價錢，可以試到點心、湯、魚、义燒炒飯，真係抵。由點心開始食起，每一款都係好好味，老火湯沒有味精、銀鱈魚煎得剛剛好、义燒蛋白炒飯完全是粒粒米、炒出精粹。其他點心，如春卷、素鵝、小籠包、腸粉，都令你齒頰留香，最後要提他們的普洱茶，順滑得來又不苦澀，不是其他酒樓的普洱茶，這頓午餐真係ichiban, 下次要試其他，如蜜汁叉燒、燒鵝等

相信大家對逸東軒都唔陌生⭐️真正米豬蓮餐廳🐷🙈非常推介大家去食🙊服務又好👍🏻環境又舒適整體黎講絕對值得一試，因為限聚令同疫情關係，上次去係兩個人坐張四人枱，又闊落又舒服🕺🏼🥳服務好好

疫情傳入但又想食好嘢，唯有去高級食府，貪佢坐得夠疏，好安全。雖然攞米芝連嘅菜式並非點心，但都好好味。蝦餃係一絕，皮薄得嚟唔穿，啲蝦肉係天然爽，又有鮮味。叉燒包當然唔係大批預先做好嗰啲，有返以前細細個食叉燒包嗰種味道。帶子腸啲帶子好鮮甜好大粒，唔係啲普通茶樓嗰種細細粒或者只係得啲碎。灌湯較個上湯好鮮，食得出個湯底又有金華火腿、乾瑤柱等高級食材。涼拌茄子完全無渣，個汁好開胃。夾小籠包無穿，連入面個豬肉都好鮮味，高級食府係唔同啲。其實啲茶都好好飲，只係無影相。食點心都好滿足，食唔到佢地最出名嘅叉燒。