Romanne Leisure Food Concept (已結業)

大角咀都有好多好餐廳，不過大角咀夜晚會比較靜，條街比較少人。今晚小編同朋友行開附近，經過這間食店，名字就一個Romanne字，幾特別，所以入去試吓。-🌹甜椒蟹肉焗脆鬆餅這個鬆餅小編覺得似烤脆咗嘅麵包，蟹肉加埋甜椒碎，用沙律醬混埋一齊，似食沙律，不過係比較豐富嘅沙律，作為前菜都不錯。-🌹小食拼盤小食拼盤有3款同4款選擇，小編同朋友對芝士棒麻麻地，所以叫咗只有甜薯、雞亦同煙肉烤菇3款嘅拚盤。首先試試煙肉烤菇，烤菇烤得好香，菇香好重，菇上面嘅煙肉混埋芝士一齊烤，煙肉香味蓋過芝士香味，而煙肉汁留喺菇上，令到比較乾身嘅烤菇腍啲滑啲，小編好喜歡。甜薯好甜，烤得好香好脆但又未至於太乾身，可以呀。最後係雞亦，烤得香脆但小編覺得偏咸，失色了。-🌹焗肉桂蘋果脆脆配意大利雪糕這個係又凍又熱嘅食法，蘋果切粒加上肉桂焗熱焗香，喺上面加一份雪糕，食時兩樣一齊食，又凍又熱感覺超爽，不過這個比較普通，好多地方都有得食，冇乜特別驚喜。-