餃掂手工餃子雲吞專門店

去新都城行，係openrice搵下商場有咩食，同朋友見到有餃子食，兩個都想食咁就入去喇，店舖位置又容易搵，係寶琳站行黎好方便落雨都唔洗驚，分店仲有幾間tim晚市要等位，等左一陣就有位喇，店員安排座位迅速，落單同上菜又快手我地分別叫：雙拼湯餃子一 (元貝豬肉+粟米豬肉)雙拼湯餃子二(雲耳椰菜豬肉+大白菜豬肉)餃子啖啖肉連湯底都好正，湯我都飲哂，無味精好天然既味道，湯餃中覺得雲耳椰菜餃子最正，口感同味道都超出水準，元貝餃子就幾特別，黎到都推薦試下，我地就覺得岩我地口味，唔錯唔錯香煎軟心芝士餃+竹昇米線米線本身湯底濃郁，煎餃更加係無得輸，加埋芝士好好味呀，里面仲有粟米同豬肉，食哂10隻都仲想繼續食，鐘意食煎餃既更加要食舖頭無論清潔度，店舖環境，員工服務態度同食物賣相方面都超讚！飲品一杯係山楂雪梨水，有凍熱之選，清清甜甜又潤喉，飲完好舒服，另外一杯係凍豆漿。總括黎講，呢一餐我地都好滿意，座位都坐得舒服，會有下次再幫襯既念頭

成日出街食啲嘢都好肥膩太飽肚，都會想食啲健康輕便啲嘅餐廳。呢間餃子雲吞專門店係將軍澳新都城2期2樓，中庭一上電梯行幾步就到十分方便同朋友揀咗兩款餃子同一款小食share龍鳳松茸雙煎餃(八隻)$98-松茸味好出，配上豬肉更鮮甜壽喜燒牛肉餃(七隻) $54-今次叫咗蒸餃。牛肉好juicy嫩滑，送埋狀元九鼎湯有粉葛味滋潤養生麻辣松花皮蛋$25-一上碟就聞到好香麻辣味，皮蛋亦流心山楂雪梨水$20-酸酸甜甜咁好醒胃潤喉

餃掂港九新界都有分店，總有一間在附近，想食的話隨時都可以品嘗到😋😋 是夜收工懶得煮飯，就來吃晚餐啦前菜先叫了一份惹味酸辣雲耳，酸酸辣辣非常開胃，而且雲耳含豐富鐵質，健康又好食👍🏻點了一份這裡的招牌至尊松茸餃，這裡點湯餃的話會配特製的狀元九鼎湯。豬肉餃配松茸醬，濃濃的松茸香氣，增加了不少層次感另點了一份煎的元貝餃，即叫即煎，脆卜卜～ 吃餃子強烈建議點一些菜脯豆豉醬一起吃，超惹味！天氣炎熱，點了杯凍的山楂雪梨水，酸甜解渴，很清新呢💦

喺寶琳搵朋友食飯，經過新都城中心，見到開咗一間新嘅餃子店，我呢個餃子控就提議食呢間餐廳啦。呢度嘅格局都幾特別，沿着電梯有一個弧形，座位唔算多，今日平日就冇乜人。叫咗最出名嘅松茸餃和龍鳳餃，配狀元湯。餃皮幾簿，所以都明顯分得出黑松露和松茸餃，餃子啖啖都係肉。黑松露餃就比較濃香，松茸就比較清香，有幾款醬料揀，但我覺得反而咩都唔點，先突出佢嘅松茸香，我幾鍾意黑松露餃。狀元湯都比我想像中好飲，係清甜嘅粉葛魚湯，飲完唔會口渴，完全唔味精。另外叫咗四個小食，小食每款三十零蚊，都幾抵食。四川涼皮和皮蛋都唔算辣，食得辣嘅朋友可以叫中辣或者大辣，相信會惹味D龍鳳蛋係黑松露+松茸，同餃子一樣，香味幾好。一杯山楂雪梨水下火。今餐都幾滿足，兩人$250左右，可以試到咁多樣嘢食。