十二味 (碧麗花園)

营业中

休息中

土瓜灣站📍十二味-酸菜魚時間又到，有時食lunch set都幾抵玩，雖然打卡冇咁靚，但價錢取勝👍🏻酸菜魚套餐（$76）套餐包白飯同野飲，我另外加左$8要荔枝玉露。酸菜魚份量都唔少，有10幾舊，魚肉幾新鮮不過其中一兩塊有碎骨。湯底夠酸微辣（辣度有得簡大、中、小，今次要左小辣🌶），幾香花椒、辣椒味。配料有萵筍、蘿蔔片、菇類。本身個餐配白飯，用埋個湯撈飯好滿足😋川式口水雞（$66）另外要左個口水雞套餐，同樣包白飯野飲，野飲我加$8轉左熱情果梳打，呢個特飲勁抵（如果唔跟餐要$28），超大杯，而且酸甜開胃🤩🤩口水雞份量睇落唔算好多，但食落都唔少，都有成十舊！雞件幾滑，口水雞醬好惹味，不過女朋友話濃味左少少，但我就覺得配埋白飯岩岩好😎🤪口水雞底仲有青瓜。酸辣土豆絲（$68）呢個土豆絲唔係套餐，係另外叫既小菜。土豆絲切得幼細，而且幾爽口，今次要小辣覺得唔夠喉，中辣既話應該岩岩好。另外女朋友話如果可以再酸d更加正。幺妹兒冰粉（$28）天氣太熱，最後要多個甜品兩份share。冰粉好清涼爽彈，配埋淡淡桂花糖，清涼解暑👍🏻👍🏻👍🏻十二味既野食份量都唔細，以午餐價錢黎講幾抵食。之前係尖沙咀food court

各位嗜辣者一定對「十二味」唔會陌生😌餐廳主打新派川菜，當中午市套餐非常抵食🤩怪唔之得近年開到每區都有分店，大受歡迎🎉.🌟午市套餐包一款主菜、白飯、飲品.🍴牛肉麻辣香鍋💰$61平時食麻辣香鍋閑閑哋都過百蚊，但呢個午市套餐都係六十蚊左右，仲要無因此減少份量😍內有牛肉、蓮藕、薯仔條、木耳、芽菜、脆脆豆❣️味道麻得過癮🤪蓮藕好爽脆，脆脆豆亦提升口感😚基本上食餸都夠飽😂.🍴武隆尖椒雞💰$68以尖椒、花椒與雞丁爆炒而成嘅菜式😙顏色紅紅綠綠好搶眼😎雞丁吸收咗尖辣、花椒精粹後，麻辣味非常出😍送飯一流😋.🍴川式口水雞💰$58口水雞砌成一個半圓形，上面鋪滿辣椒碎🌶雞皮爽脆，雞肉嫩滑，加埋辣汁好惹味😚而且隻雞冇乜肥膏，唔會肥淋淋😌.🍴紅糖糍粑💰$48每次食川菜都要叫呢款甜品先叫完美結束😆點餐時好細心地加上後上嘅選項，可以慢慢食完正餐先食甜品😌 糍粑鋪滿黃豆粉，入口先香脆後煙靭，蘸埋紅糖食完美配搭❤️.🥤桂花冰釀、慾望酸梅💰$8（跟餐價）桂花冰釀勁香桂花味，好解辣😙慾望酸梅酸酸甜甜，夏天飲解渴之餘又開胃😉.呢餐三個人食每人$100都唔使，仲要個個捧住個肚走，抵到爆🤣怪唔之得咁受歡迎啦🤪

人見人愛酸菜魚呢盤酸菜魚真係集麻辣鮮香四大元素，加咗天椒、花椒等熬煮而成，麻香四溢，而且可以自由選擇辣度，就算唔食得辣都可以揀唔辣，照顧唔係咁食得辣既朋友仔。 選用新鮮魚塊拆骨起肉，魚片肉質鮮嫩，大份又夠厚度，食落滿足感勁大。配料有酸菜、杏鮑菇、蒿筍，超級足料！酸菜又唔會太咸，蒿筍爽脆又夠入味川式口水雞必選涼菜雞肉肉質嫩滑又入味，雞皮爽彈雖然我係好怕辣，但又勁中意麻香刺激味蕾個種感覺，忍唔住一舊又一舊咁食雞肉底下既青瓜可以解膩，食落清爽開胃，帶點香辣熱情果梳打勁大杯🤤熱情果好香，酸酸甜甜，好開胃！

本身愛好食辣，四川麻辣都一樣好鍾意，一向覺得十二味的食物好啱我口味，今次約埋朋友幫襯土瓜灣新店，午餐時段套餐好抵食，食物可以揀大中小辣，適合唔同人士。田雞麻辣香鍋 : 田雞份量都多，有足足2隻，田雞腿啖啖肉，底下既配料極多，木耳、大豆芽、蓮藕、土豆片，配料索晒醬汁好入味。酸菜魚 : 七十幾蚊既酸菜魚真係好抵呀! 魚片好滑好滑、勁多酸菜，個湯底好好味，一定要用黎送飯。川式口水雞 : 雞肉好滑，今次叫小辣覺得唔夠過癮，下次可以挑戰中辣。食完3個套餐都好夠飽，但都忍唔住叫左個紅糖糍粑，外面脆口，裡面煙煙韌韌，點埋紅糖食真係ICHIBAN!