素食微調

营业中

休息中

叫左一份微調流心餡餅，轉素芝士。係openrice外賣自取仲有七折優惠，只係$89！一打開個紙盒好有驚喜😍首先賣相已經好靚，第一次食由紫薯、菠菜、芝士做料既餡餅，呢三樣材料組合而成出奇地夾！好有新鮮感🤩我好鍾意個素芝士，唔會食到好漏好滯👍到店舖自取外賣時，再追加埋個蘑菇湯（openrice外賣自取冇呢個選擇)，一打開個蓋又係好有驚喜，$15既蘑菇湯竟然咁足料😍😍$104食到咁高質素既素食好滿足👍

今晚決定去大坑道醫肚，貪黎度多特式小店。因知道座位有限，故一早訂左枱。素食微調以小店模式經營，服務員及大廚都好有心推介有關食物及顧客的意見。 先來一客蘑菇湯，點了大的，兩個人可以每人分到兩個細碗。蘑菇大大粒，湯煮得好蓉，必試。 土耳其豆腐蘑菇卷。皮好薄好脆，南瓜、椰菜、煎香的豆腐配合得天衣無縫，Yummy。 有機炒雜菜糙米飯。糙米飯粒粒分明，咬感十足，配上炒雜菜，非常滿足。 微調流心餡餅。即叫即製，上碟時熱辣辣，皮好薄好脆，咬時充滿紫心蕃薯，菜，羊奶芝士，南瓜，份量十足，各林材料配合得宜，一讚。 小麥草汁加蘋果及番石榴檸檬，無特別加糖，健康之選。