Home Bar & Restaurant

营业中

休息中

成日坐車經過呢條街，想試呢間餐廳好耐。今次行開對面商場，擇日不如撞日，就試下佢。鮮蟹肉濃湯伴帶子香草汁 人如其名，真係非常濃郁，每一啖都夾雜蟹肉，點埋跟湯麵包，一流！跟湯仲有粒帶子，點香草汁食好 Match香煎鵝肝伴蘋果多士 油香滿溢，夠厚身，煎到表面焦香，內裏軟滑。配埋有醃製過嘅蘋果粒同多士， 欲罷不能！蝦多士 釀咗滿滿嘅蝦膠，加埋原隻蝦仁，上麵包糠再炸。超級香口！德國咸豬手 豬手份量好大，個皮燒到好脆，食到 "漏" 可以點D蜜糖食，又可以食D德國酸椰菜中和一下。咸牛脷 非常厚切，充滿咸香。好彈牙。整體食物好有水準。酒吧餐廳感覺亦令人好 Relax

仲記得對上一次黎呢間餐廳已經接近半年時間，大夥兒一齊慶祝朋友嘅生日，當時印象都唔錯。今日同另外兩位朋友到訪，收工接近8點鐘左右黎到，平日晚上，入座都接近七成，不過我地一早預約左位置，唔需要擔心。餐廳集酒吧加西餐廳格局，對住正門係吧枱，店內燈光偏暗，酒吧形式，播放音樂會稍為大聲點，我地一食就食左兩個幾鐘，都坐得舒適。餐牌供應晚市套餐，共六款，有扁意粉、意大利飯、燒魚、黑毛豬、羊扒、牛扒，款款都有，套餐包括餐湯、沙律、主菜、甜品、咖啡或茶，定價$168-278。我地上次已經食過，大約人均二百零蚊。除左套餐，有單點沙律、湯、前菜、薄餅、主菜、小食等供應。當然唔少得好多種類嘅酒。因為有朋友未收工嘅關係，我地就點左一款主菜同小食，食住等。炸薯條配黑松露醬 $58薯條份量頗多，上枱時新鮮熱辣，粗薯基本上即時炸都唔會差得去邊，食落都相當脆口，已調味，唔會乾爭爭，而且配上香濃嘅松露醬，作為餐前小食，不錯吃。德國咸豬手 $198上次我地都已經食過，覺得幾好食；今次再點，質素都保持到，豬手皮炸到好香脆，肉質剛好，唔老唔韌，食落仲好軟腍。新鮮炸起好美味；放涼左就會變硬，記得襯熱食等朋友黎到之後，我地點左一份

呢間餐廳一向比我感覺似酒吧多，今次我見到有晚餐仲介紹，所以試下先。入面氣氛甚有酒吧味道，燈光比較黑。我只好靠臺燈先見到menu既字。田螺釀酥盒呢款前菜認真好香田螺香味同酥味，我自己就分開品賞，味道一流。叫左道美國安格斯肉眼扒，好香又大塊，牛味濃，我叫左7成，不過煎得太熟，外層若煎脆些會更好味道好勁大份既英式炸盤炸雞翼炸魷魚薯條炸得非常香脆，味濃，脆醬幾厚。尤其雞翼外層香鬆，內裡有雞汁流出來。德國脆皮咸豬手呢款原來係餐廳既招牌菜，好有口感好容易切開，點蜜糖+芥辣醬超好味，外層鬆脆入面又厚肉地不太肥，岩哂我食，帶少少咸味適中。呢晚真係食得好飽。