大瀛喜日本料理 (已結業)

心血來潮想食放題，就揀左一間未試過既。根據過往經驗，午市放題有3小時，可以慢慢食，唔需要咁chu 食物款式同質素都同一般放題差不多。比較好味既有：一口牛(唔會un)，豉椒炒蜆(都幾大隻又無沙，炒得入味，夠辣)，青口(都算大隻)，炒海蝦，蒲燒鰻魚。至於刺身，海膽手卷，芝麻雞翼，香芋丸，一口芝士，辣酒煮花螺，燒扇貝，蝦串燒，燒雞翼，帆立貝，天婦羅就正常。甜品類食左豆腐花，雪糕，乳酪，正常。糥米糍只有朱古力一種味道，唔好味，如果有雲呢拿芒果綠茶等味道就更好。不過自取既甜品種類相對其他放題就較少，自家製既只對心太軟有興趣 (放題比較少見到有)，雖然都無乜流心，但勝在熱辣辣，蛋糕軟熟，頗濃既朱古力味，食左2件 (雖然無乜賣相可言)飲品選擇都算多，另有枝裝水提供。想批評既係壽司飯太爛太實，食左一轉就無再叫不過海膽手卷都食左幾件。整體而言，性價比ok，都無乜漏單，可以再試。

呢排食咁多放題，呢間算係最多驚喜！對比一年之前，進步左不少！原來有午市，怕肥消化唔到嘅可以食午市我同女友人黎食，所以唔敢叫太多刺生，驚食唔晒。刺生有三文魚、油甘魚、劍魚腩、赤海蝦、櫻花魷魚、甜蝦、蛋、榮螺等等。個人必食推介： 油甘魚、赤海蝦、甜蝦，又鮮甜又肥美其實食物種類黎講，呢間放題唔算好多，但每樣我都覺得係幾超出水平！驚喜連連必食推介：芝士蒜香牛油焗虎蝦芝士、蒜再加牛油所產生嘅化學作用我諗有食過嘅人都知幾咁強勁。廚師落足料，虎蝦夠大隻，開邊啖啖肉，殻都唔洗脫燒牛舌唔靭，略加黑椒燒過，再自己加小小檸檬汁真係唔錯！我叫左4串金磚炸鮮奶都幾重鮮奶味，入面滑出面脆。仲有蕃薯仔食！ 女友人好鐘意，話甜得黎細細粒唔怕飽。炸蠔 入面嘅蠔都幾大粒，脆得黎juicy唔乾唔好甜品嘅我，呢兩樣係令我好好好好驚喜嘅！！榴槤糯米糍望落細細粒，本身都無抱有期望，放題嘅會有幾好食？一啖開，嘩左出黎！真係好重榴槤味，內餡多皮夠薄，我朋友係我對面都聞到！ 唔係誇張，好食過我係街邊見到果d專賣糯米糍嘅店！心太軟迷你款 更易熟透，更難做到流心效果，呢個叫左兩輪，兩輪都係流晒朱古力漿，做到甜品店水準！附上飲品櫃俾大家參考

一入去覺得座位幾逼下，不過這似乎是放題常態，在商言商擺多兩張檯就賺多兩轉錢，所以都無辦法。上菜速度尚可，但有漏單情況。飲品方面選擇都幾多，有可樂，果汁，啤酒之類。最令人不滿意是服務態度，食咁多次放題第一次俾人趕去其他位，為左吉d位出黎俾新客，咁係好唔尊重。食食下俾人收碟 (碟入面仲有食物) ，講都唔講聲，起碼應該問下你"仲要唔要?"先收，咁又係好唔尊重。d侍應之間燥底鬧黎鬧去，又係好影響心情。應該沒有下次了。刺身燒物炸物帆立貝甜品心太軟